काठमाडौं । नेपाल टेलिकमले चालु आर्थिक वर्ष २०७७/७८ को द्धितिय त्रैमासिक वित्तिय विवरण सार्वजनिक गरेको छ । टेलिकमले सार्वजनिक गरेको वित्तिय विवरण अनुसार दोस्रो त्रैमासमा ३ अर्ब २८ करोड रुपैँया नाफा आर्जन गरेको छ ।
टेलिकमले गत वर्षको यसै अवधिमा ४ अर्ब ९३ करोड रुपैयाँ खुदनाफा गरेको थियो। गत वर्षको तुलनामा चालू आर्थिक वर्षमा टेलिकमको नाफा १ अर्ब ६५ करोड रुपैयाँ घटेको वित्तिय विवराण उल्लेख छ ।
समीक्षा अवधिमा टेलिकमको आम्दानी १८ अर्ब ३ करोड रुपैयाँबाट घटेर १७ अर्ब ७२ लाख रुपैयाँमा झरेको छ । यसले नाफामा असर गरेको हो । टेलिकमको अन्य आम्दानी पनि ३ अर्ब ८८ करोड रुपैयाँबाट घटेर २ अर्ब ८५ करोड रुपैयाँमा सीमित भएको वित्तीय विवरणमा उल्लेख छ ।
टेलिकमको प्रतिसेयर ४३ रुपैयाँ ८६ पैसा, प्रतिसेयर नेटवर्थ ६३५ रुपैयाँ ८० पैसा रहेको छ । कम्पनीको चुक्तापुँजी १५ अर्ब रुपैयाँ रहेको छ ।
जगेडा कोषमा ८० अर्ब ३७ करोड रुपैयाँ जम्मा भएको छ ।
वि.सं.२०७७ माघ ३० शुक्रवार १४:३२ मा प्रकाशित
