काठमाडौं । नेशनल लाइफ इन्स्योरेन्स कम्पनीले चालु आर्थिक वर्षको दोस्रो त्रैमामिक वित्तिय विवरण सार्वजनिक गरेको छ । कम्पनीले सार्वजनिक गरेको वित्तिय विवरण अनुसार दोस्रो त्रैमासमा २३ करोड ६५ लाख रुपैयाँ खुदनाफा कमाएको छ ।
कम्पनीले गत वर्ष सोही अवधिमा २३ करोड ५८ लाख रुपैयाँ नाफा गरेको थियो । समीक्षा अवधिमा कम्पनीको खुद बिमा शुल्क ४१ प्रतिशतले बढेर ५ अर्ब ४८ करोड रुपैयाँ पुगेको छ ।
गत वर्ष कम्पनीले ३ अर्ब ८८ करोड रुपैयाँ खुद बिमा शुल्क आर्जन गरेको थियो । गत वर्ष ३० अर्ब १५ करोड रुपैयाँ रहेको यसको जीवन बिमा कोषमा चालु आर्थिक वर्षमा बढेर ३८ अर्ब रुपैयाँ पुगेको छ ।
कम्पनीको चुक्तापुँजी ३ अर्ब ८ करोड २६ लाख रुपैयाँ छ । जगेडा कोषमा १ अर्ब २४ करोड ८६ लाख रुपैयाँ छ । कम्पनीले १ अर्ब ७१ करोड रुपैयाँ दाबी भुक्तानी गरेको छ ।
दाबी भुक्तानी हुन बाँकी रकम ४० करोड ७१ लाख रुपैयाँ रहेको छ । कम्पनीको प्रतिसेयर आम्दानी १५ रुपैयाँ ३४ पैसा र प्रतिसेयर नेटवर्थ १४९ रुपैयाँ ६८ पैसा छ ।
वि.सं.२०७७ माघ ३० शुक्रवार १४:४५ मा प्रकाशित
