काठमाडौं । नेपाल राष्ट्र बैंकले आर्थिक वर्ष २०७७/०७८ को मौद्रिक नीतिको अर्ध बार्षिक समिक्षा गरेको छ । समिक्षामा सेयर धितो कर्जामा कुनै पनि हेरफेर नभएको गभर्नर महाप्रसाद अधिकारीले जानकारी गराउनु भएको छ ।
राष्ट्र बैंकले मौद्रिक नीति मार्फत सेयर धितोराखी प्रदान हुने मार्जिन प्रकृतिको कर्जाको लागि कर्जा सुरक्षण मूल्य अनुपात विद्यमान ६५ प्रतिशतबाट बढाई सम्बन्धित वित्तीय संस्थाले मूल्याङ्कन गरी ७० प्रतिशतसम्म प्रदान गर्न सक्ने व्यवस्था मिलाएको छ । जुन अब पनि कायम नै रहेको छ ।
सेयर धितोमा प्रदान हुने मार्जिन प्रकृतिको कर्जा प्रवाहमा सेयरको मूल्याङ्कन गर्दा विद्यमान १८० दिनको अन्तिम मूल्यको औसत मूल्य वा शेयरको प्रचलित बजार मूल्यमध्ये जुन कम छ त्यसैको आधारमा गर्नु पर्ने व्यवस्थालाई परिवर्तन गरी १२० दिन कायम गरिएको थियो । त्यो पनि कायम नै रहेका छ ।
वि.सं.२०७७ फागुन २ आइतवार १९:२६ मा प्रकाशित