काठमाडौं । नेपाल आयाल निगमले डिजेल चोरी गरेर भारत लैजानेलाई कारबाहीको दायरामा ल्याउने भएको छ ।
निगमका प्रवक्ता विनित मणि उपाध्यायका अनुसार फागुन २ गते आइतबार राती ट्यांकरको चेम्बर र फ्यूल ट्याङकीमा १३६० लिटर डिजेल चोरेर भारततर्फ लौजान लागेको जय गौरीशंखर ढुवानी सेवाको ट्यांकरलाई प्रहरीले नियन्त्रणमा लिएपछि निगमले कारबाहीको दायरामा ल्याउन लागेको छ ।
ना ७ ख १५११ नम्बरको ट्यांकरले श्री श्वैता आयल सेन्टर, जगरनाथपुर पर्साबाट उक्त डजेल भारततर्फ लैजाँदै गर्दा पर्सा प्रहरीले टयांकरलाई नियन्त्रणमा लिएपछि निगमले उक्त पम्पलाई सिल गरी कारबाही सुरु गरेको छ ।
प्रवक्ता उपाध्यायका अनुसार निगमको पेट्रोलियम पदार्थ ढुवानी विनियमावली २०७३ (तेस्रो संशोधन सहित) अनुसार डिजेल चोरीमा संलग्न टैंकरलाई पनि कारबाही प्रकृया अगाडि बढाइएको छ ।
वि.सं.२०७७ फागुन ३ सोमवार १८:३२ मा प्रकाशित