काठमाडौं । महिला लघुवित्त वित्तीय संस्थाको आईपीओ (साधारण सेयर)मा १५ लाख ८० हजार ७८१ जनाले आवेदन दिएका छन् ।
१५ लाख ८० हजार ७८१ जनाले २ अर्ब ४६ करोड ६६ लाख १७ हजार रुपैयाँको २ करोड ४६ लाख ६६ हजार १७० कित्ताको लागि आवेदन परेको छ ।
कम्पनीले गत शुक्रबार (माघ ३० गते) देखि आजसम्मको लागि ४ लाख कित्ता आइपीओ निष्काशन गरेको छ । जसमा ५ हजार कित्ता कम्पनीका कर्मचारी २० हजार कित्ता म्युचुअल फन्डलाई बाँडफाँट गरिएको छ । बाँकी रहेको ३ लाख ७५ हजार कित्ता सेयरमा सर्वसाधारणले आवेदन दिन पाउने छन् । यो आईपीओमा न्यूनतम १० देखि अधिकतम १ हजार कित्तासम्म आवेदन दिन सकिनेछ ।
वि.सं.२०७७ फागुन ५ बुधवार १७:४३ मा प्रकाशित
