सानिमा लाईफ इन्स्योरेन्सको बोनस दर सार्वजनिक

काठमाडौं । सानिमा लाईफ इन्स्योरेन्सले आर्थिक वर्ष २०७५/७६ को बोनस दर सार्वजनिक गरेको छ । इन्स्योरेन्सले बीमाङ्कीय मूल्याङ्कन बीमा समितिबाट फागुन ५ गते स्वीकृत भएपछि बोनसदर सार्वजनिक गरेको जनाएको छ । यो बोनसदर प्रतिवर्ष प्रतिहजारमा रहेको छ । बोनस न्यूनतम २० रुपैयाँदेखि अधकतम ६५ रुपैयाँसम्म रहेको छ ।

 

इन्स्योरेन्सका अनुसार अहिले ५ वटा बीमालेख सञ्चालनमा रहेका छन् । जसमा सावधिक जीवन बीमालेख अन्तर्गत ९ वर्ष अवधिको लागि ३५ रुपैयाँ, १० देखि १४वर्षको अवधिको लागि ३५ रुपैयाँ, १५ देखि १९ वर्षको लागि ४० रुपैयाँ, २० देखि २४ वर्षको लागि ४५ रुपैयाँ र २५ वर्ष वा सो भन्दा माथिको बीमालेखमा ६५ रुपैयाँ बोनस रहेको छ ।

 

यस्तै सावधिक तथा आजीवन बीमालेख अन्तर्गत ९ वर्ष अवधिको लागि ३५ रुपैयाँ, १० देखि १४वर्षको अवधिको लागि ३५ रुपैयाँ, १५ देखि १९ वर्षको लागि ४० रुपैयाँ, २० देखि २४ वर्षको लागि ४५ रुपैयाँ र २५ वर्ष वा सो भन्दा माथिको बीमालेखको लागि ६५ रुपैयाँ बोनस रहेको छ ।
इन्स्योरेन्सका अनुसार अग्रिम भुक्तानी सावधिक जीवन बीमालेखा अन्तर्गत १० देखि १४ वर्ष अवधिको लागि ३५ रुपैयाँ १५ देखि १९ वर्ष अवधिको लागि ४० रुपैयाँ, २० देखि २४ वर्ष अवधिको लागि ४५ रुपैयाँ रहेको छ भने २५वर्ष वा सो भन्दा माथिको बीमालेख लिनेको लागि बोनस नदिने उल्लेख छ । यो बीमालेख लिने कोही पनि बिमित छैन् ।

 

यता ट्रिपल इन्डाउमेन्ट लाइफ इन्स्योरेन्स बीमालेख अन्तर्गत १० देखि १४ वर्षको अवधिको लागि २० रुपैयाँ, १५ देखि १९ वर्षको लागि २० रुपैयाँ, २० देखि २४ वर्षको लागि २५ रुपैयाँ र २५ वर्ष वा सो भन्दा माथिको बीमालेखको लागि ३० रुपैयाँ बोनस रहेको छ । ज्वाइन्ट लाइफ इन्डाउमेन्ट बीमालेख अन्तर्गत १५ देखि १९ वर्षको लागि २० रुपैयाँ, २० देखि २४ वर्षको लागि २५ रुपैयाँ र २५ वर्ष वा सो भन्दा माथिको बीमालेखको लागि ३० रुपैयाँ बोनस रहेको छ ।

२०७७ फागुुण ९ गते १३:०४ मा प्रकाशित

You can share this post!

सानिमा बैंकको साढे ३० कित्ता ऋणपत्र नेप्सेमा सूचीकृत

धेरै लुब्रिकेन्ट बेच्ने हिरणबहादुरलाई सुजुकी स्विफ्ट जेडएक्सआई गाडि हस्तान्तरण

Related posts