काठमाडौं । नेपाल राष्ट्र बैंकले ५५ करोड रुपैयाँ बैंक तथा वित्तीय संस्थाको मुद्दतिनिक्षेमा नमा लगानी गर्ने भएको छ । बैंकले उपदान तथा पेन्सन कोषमा रहेको २५ करोड र कर्मचारी सुरक्षण कोषमा रहेको ३० करोडसहित ५५ करोड रुपैयाँ लगानी बैंक तथा वित्तीय संस्थामा गर्न लागेको हो ।
राष्ट्र बैंकले चैत १ गतेदेखि आगामी फागुन ३० गतेसम्मको लागि ३६६ दिनको लागि लगानी गर्न लागेको हो । उक्त रकम लगानी गर्न चाहेको भन्दै बैंक तथा वित्तीय संस्थाले प्रस्ताव गरेको ब्याजदरसहित सिलबन्दी प्रस्ताव गर्नुपर्ने छ । राष्ट्र बैंकका अनुसार उपदान तथा पेन्सन कोषमा रहको २५ करोडमा ‘क’ वर्गका राष्ट्रिय स्तरका बैंकमा २० करोड, ‘ख’ वर्गका राष्ट्रिय स्तरका विकास बैंकमा ३ करोड ७५ लाख र ‘ग’वर्गका वित्त कम्पनीमा १ करोड २५ लाख रुपैयाँ लगानी गरिने छ ।
यस्तै कर्मचारी सुरक्षण कोषमा रहेको ३० करोडमा ‘क’ वर्गका वाणिज्य बैंकमा २४ करोड, ‘ख’ वर्गका राष्ट्रिय स्तरका विकास बैंकमा ४ करोड ५० लाख र ‘ग’ वर्गका राष्ट्रिय स्तरका वित्त कम्पनीमा १ करोड ५० लाख रुपैयाँ लगानी गर्न लागेको छ ।
वि.सं.२०७७ फागुन ९ आइतवार १७:३७ मा प्रकाशित
