काठमाडौं । चालु आर्थिक वर्षको ७ महिनामा निर्जीबन बीमा कम्पनीले १७ अर्ब ८६ करोड रुपैयाँ बीमा शुल्क आर्जन गरेका छन् । माघ महिनामा मात्रै निर्जीवन बीमा कम्पनीहरुले २ अर्ब ४७ करोड रुपैयाँ बीमा शुल्क आर्जन गरेका छन् ।
यो अवधिमा २० वटा निर्जीबन बीमा कम्पनीको चुक्ता पुँजी १८ अर्ब रुपैयाँ रहेको छ । यो अवधिमा निर्जीबन बीमा कम्पनीले १७ लाख ७४ हजार १३८ वटा बीमालेख जारी गरेका छन् । जसमा माघ महिनामा मात्रै २ लाख ५९ हजार २४६ वटा रहेका छन् ।
बीमा समितिका अनुसार सबैभन्दा बढी शिखर इन्स्योरेन्सले २ अर्ब ४५ करोड रुपैयाँ बीमा शुल्क आर्जन गरेको छ । शिखरलाई सगरमाथा इन्स्यारेन्सले पछाइरहेको छ । यो अवधिमा सगरमाथा इन्स्योरेन्सले १ अर्ब ५७ करोड रुपैयाँ बीमा शुल्क आर्जन गरेको छ ।
यस्तै नेपाल इन्स्योरन्सले ७३ करोड रुपैयाँ बीमा शुल्क आर्जन गर्दा माघ महिनामा मात्रै ९ करोड रुपैयाँ बीमा शुल्क आर्जन गरेको छ । बीमा समितिका अनुसार दि ओरियन्टल इन्स्योरेन्सले माघ महिनासम्ममा ६५ करोड रुपैयाँ बीमा शुल्क आर्जन गरेका छ भने माघ महिनामा मात्रै ५ अर्ब रुपैयाँ बीमा शुल्क आर्जन गरेको छ । नेशनल लाइफ इन्स्योरेन्सले ७ महिनामा ५० करोड रुपैयाँ बीमा शुल्क संकलन गर्दा माघ महिनामा मात्रै ८ अर्ब रुपैयाँ बीमा शुल्क आर्जन गरेको तथ्याङकले देखाएको छ ।
हिमालयन जनरल इन्स्योरेन्सले ६० करोड रुपैयाँ बीमा शुल्क आर्जन गर्दा एक महिनामा नै ११ करोड, यूनाइटेड इन्स्योरेन्सले ७ महिनामा ६६ करोड बीमा शुल्क आर्जन गर्दा १ महिनामा १० करोड, प्रिमियर इन्स्योरेन्सले १ अर्ब ४ करोड रुपैयाँ बीमा शुल्क आर्जन गर्दा माघमा मात्रै १४ करोड रुपैयाँ बीमा शुल्क आर्जन गरेको छ ।
बीमा समितिका अनुसार एभरेष्ट इन्स्योरेन्सले ५८ करोड रुपैयाँ ७ महिनामा बीमा शुल्क आर्जन गर्दा माघमा ८ करोड, नेको इन्स्यारेन्सले १ अर्ब ५५ करोड रुपैयाँ बीमा शुल्क आर्जन गर्दा माघमा २० करोड, प्रभु इन्स्योरेन्सले ९३ करोड बीमा शुल्क आर्जन गर्दा माघमा ७ करोड, आइएमई जनरल इन्स्योरेन्सले ८५ करोड बीमा शुल्क आर्जन गर्दा एकै महिनामा १४ करोड बीमा शुल्क आर्जन गरेको छ ।
यस्तै प्रुडेन्सियल इन्स्योरेन्सले माघसम्ममा ८२ करोड, लुम्बिनी जनरल इन्स्योरेन्सले ७९ करोड, एनएलजी इन्स्योरेन्सले १ अर्ब ३० करोड, शिद्धार्थ इन्स्योरेन्सले १ अर्ब ३९ करोड रुपैयाँ बीमा शुल्क आर्जन गरेको छ ।
त्यस्तै जनरल इन्स्योरेन्सले माघमहिनासम्ममा ४१ करोड, अजोड इन्स्योरेन्सले ७६ करोड र सानिमा जनरल इन्स्योरेन्सले २८ करोड रुपैयाँ बीमा शुल्क संकलन गरेका छन् । सरकारी लगानी रहेको राष्ट्रिय बीमा कम्पनीले तथ्याङक बीमा समितिलाई दिएको छैन । जसले गर्दा यहाँ कम्पनीको तथ्याङक राखिएको छैन ।
वि.सं.२०७७ फागुन १० सोमवार १७:५० मा प्रकाशित