सरकारले निजी क्षेत्रसँग मिलेर सीपमुलक तालिम संचालन गर्छः श्रम मन्त्री चौधरी

काठमाडौं । नेपाल उद्योग वाणिज्य महासंघको स्वास्थ्य तथा सीप विकास समितिले श्रम, रोजगार तथा सामाजिक सुरक्षा मन्त्री गौरीशंकर चौधरीलाई सरकार र नीजि क्षेत्रको सहकार्यमा सीपमुलक तालिम संचालन गर्न माग गरेको छ ।

सीपमुलक तालिमको लागि थुप्रै संस्थाहरूले तालिम दिने र ठुलो रकम खर्च हुने गरेपनि नीजि क्षेत्रको माग अनुसार दक्ष एवं सीपयूक्त जनशक्ति पाउन कठिनाई भईरहेको महासंघको ठहर छ ।

भेटमा सभापति हेमराज ढकालले मुलुकभित्र संचालित उद्योगधन्दाका लागि चाहिएको जनशक्ति नपाउंदा ठूलो समस्या भएको जानकारी गराउनु भयो । यस्तै बिनाकुनै शीप कामका लागि विदेशीने यूवाहरू न्यूनतम पारिश्रमिकमा अधिकतम समय काम गर्न बाध्य भएकाले यो समस्याको अन्त्य गर्न शीपयुक्त जनशक्ति विकासका लागि तत्काल तालीम संचालन गर्नुपर्नेमा जोड दिनुभयो ।

भेटमा मन्त्री चौधरीले नीजि क्षेत्रको सुझाव अनुसार सीपमुलक तालिम संचालन गर्ने सरकारको योजना रहेको बताउनु भयो । उहाले महासंघबाट प्राप्त सुझाव एवं प्रस्तावलाई ध्यानमा राखी आगामी दिनमा सीपमुलक तालिम सन्चालन गर्ने प्रतिवद्धता जनाउनु भयो ।

भेटमा सभापति ढकालका साथै सहसभापति भक्त बहादुर हमाल, सदस्य सीताराम रेग्मी, महासंघका पूर्वकारिणी समिति सदस्य कमला श्रेष्ठको सहभागिता रहेको थियो ।

२०७७ फागुुण १२ गते १४:०७ मा प्रकाशित

You can share this post!

पुँजीगत खर्च १९.२९ प्रतिशत, पूर्व गभर्नरको सुझावः निर्वाचनको लागि छुट्याएको बजेटले कर्णालीको सडक चौडा गर्नु

पुँजीगत खर्च १९.२९ प्रतिशत, पूर्व गभर्नरको सुझावः निर्वाचनको लागि छुट्याएको बजेटले कर्णालीको सडक चौडा गर्नु

Related posts