काठमाडौं । सेयर बजारमा देखिएको उतार चढावसँगै सूचीकृत कम्पनीको बजारपुँजिकरणमा हेरफेर भएको छ । बिहीबारसम्म सूचीकृत कम्पनीको बजारपुँजिकरण ३५ खर्ब १९ अर्ब ४८ करोड ८१ लाख रुपैयाँ पुगेको छ ।
यो साताको सेयर कारोबारमा बजारपुँजिकरण तर्फ शिर्ष १० को १ नम्बरमा नेपाल दुरसञ्चार कम्पनी रहेको छ । अघिल्लो साता कम्पनीको बजारपुँजिकरण २ खर्ब भन्दा माथि पुगेपनि यो साता भने बजारमा आएको गिरावटको कारण बजारपुँजिकरण २ खर्ब भन्दा तल नै सिमित भएको छ ।
यो साता बजारपुँजिकरणको शिर्ष १० कम्पनीमा ५ वटा बैंक रहेका छन् । जसमा नबिल बैंक, एनआईसी एशिया, ग्लोबल आईएमई बैंक, नेपाल इन्भेष्टमेन्ट,र प्राइम कमर्शियल बैंक रहेका छन् ।
यो साता ८ वटा कम्पनीको बजारपुँजिकरण १ खर्ब भन्दा बढी रहेको छ भने २ वटा कम्पनीको बजारपुँजीकरण १ खर्ब भन्दा कम रहेको छ ।
यो साता पहिलो नम्बमा रहेको नेपाल दुरसञ्चार कम्पनीको बजारपुँजिकरण १ खर्ब ९९ अर्ब ३५ करोड रुपैयाँ रहेको छ ।
यस्तै दोस्रो नम्बरमा नबिल बैंक रहेको छ । बैंकको बजारपुँजिकरण १ खर्ब ७८ अर्ब २० करोड ७६ लाख रुपैयाँ रहेको छ भने तेस्रो नम्बरमा नेपाल लाइफ इन्स्योरेन्स रहेको छ । इन्स्योरेन्सको बजारपुँजिकरण १ खर्ब ५८ अर्ब २५ करोड ५३ लाख रुपैयाँ रहेको छ ।
नेप्सेका अनुसार नेपाल पुनर्बीमा कम्पनीको बजारपुँजिकरण १ खर्ब ४८ अर्ब ७० करोड रुपैयाँ रहेको छ । यस्तै नागरिक लगानीकोषको बजारपुँजिकरण १ खर्ब ४१ अर्ब २९ करोड ६७ लाख रुपैयाँ रहेको छ । यो साता बजारपुँजिकरणको छैटौ नम्बरमा नेपाल इन्फ्रास्टक्चर बैंक रहको छ । बैंकको बजारपुँजिकरण १ खर्ब ८ अर्ब ६० करोड रुपैयाँ रहेको छ ।
यस्तै बजारपुँजिकरणका क्रमशः सातौ र आठौ नम्बरमा रहेको एनआईसी एशिया ग्लोबल आईएमई बैंकको बजारपुँजिकरण क्रमशः १ खर्ब ४ अर्ब ६५ करोड ४२ लाख रुपैयाँ र १ खर्ब ३७ करोड ४८ लाख रुपैयाँ रहको छ ।
यो साता दुई कम्पनीको बजारपुँजिकरण १ खर्ब भन्दा कम रहेको छ । जसमा नेपाल नेपाल इन्भेष्टमेन्ट बैंक र प्राइम बैंक रहेका छन् । अहिले इन्भेष्टमेन्ट बैंकको बजारपुँजिकरण खस्कदो अवस्थामा रहको छ । अघिल्ला सातामा दुई स्थानमा माथी हुने गरेको बैंक अहिले दुई स्थान तल झरेको छ । बैंकको बजारपुँजिकरण ७६ अर्ब १५ करोड ९२ लाख रुपैयाँ रहेको छ । यता प्राइम बैंकको बजारपुँजिकरण ७३ अर्ब ४९ करोड ९४ लाख रुपैयाँ रहेको छ ।
यो साता सेयर बजार ८६.२१ अंकले घटेको छ । आइतबार २६४०.३४ बिन्दुमा रहेको इन्डेक्स बिहीबार ४४.९४ अंकले घटेर २५५४.१३ बिन्दुमा रोकिएको छ । लगातार सुरुको तीन दिन घटेको बजार बुधबार केही सुधार भएपनि बिहीबार पुनः घटेको छ । बजारमा आएको गिरावटले कम्पनीहरुको बजारपुँजिकरणमा पनि असर परेको छ ।
वि.सं.२०७७ फागुन १४ शुक्रवार १३:५३ मा प्रकाशित
