पराजन के.सी.
काठमाडौं । परराष्ट्र मन्त्री प्रदिप कुमार ज्ञवालीले नेपाल एलडीसी (कम बिकशित देश) बाट माथि उक्लेको बताउनु भएको छ । अब नेपाल विकासोन्मुख राष्ट्रको सूचीमा रहेको छ ।
नेपाल मसलन्द तथा शैक्षिक सामाग्री उद्योग संघको २१ औं बार्षिक साधारणसभा तथा दोस्रो राष्ट्रिय राष्ट्रिय अधिवेशनमा मन्त्री ज्ञवालीले यस्तो जानकारी गराउनु भएको हो ।
गएराति बसेको संयुक्त राष्ट्र संघको बैठकले नेपालाई एलडीसीबाट माथि उक्लन सिफारिस गरेको जानकारी गराउनु भयो । उहाँले अब नेपाल अतिकम विकशित देशबाटबाट स्तरोन्नती भएको छ । उहाँले सन् २०३० सम्म नेपाल मध्यम आय भएको दशेको रुपमा चिनिने बताउनु भयो । उहाँका अनुसार अहिले नेपालसहित बंगलादेश र लाओसपनि एलडीसी माथी उक्लेको छ ।
कार्यक्रममा उहाँले संघलाई भन्सार तथा वाणिज्य नीतिले कुनै समस्या परेको भए त्यो समस्या समाधानको लागि अर्थ मन्त्रीसँग छलफल गर्ने र समस्या समाधान गर्ने जानकारी गराउनु भयो । उहाँले अहिले देशमा लगानीको बाताबरण रहेको भन्दै उद्योगी व्यवसायीलाई ढुक्क भएर लगानीगर्न समेत आग्रह गर्नुभयो । सरकारको स्वदेशी उद्योगलाई संरक्षण गर्ने नीति रहेको र त्यसै अनुसारको व्यवहार सरकारले नीजि क्षेत्रलाई गर्ने जानकारी गराउनु भयो । यो सरकारको नीति औद्योगिकीकरण तर्फ रहेको र परनिर्भरता कम गर्दै जाने तर्फ रहेको पनि उहाँले जानकारी गराउनु भयो ।
कार्यक्रममा संघका अध्यक्ष रामेश्वर पराजुलीले बार्षिक १६ अर्बको काराबोर गर्ने २५ हजारलाई रोजगारी दिएको, ५ सय उद्योगी भएको क्षेत्रलाई असहयोग गरेको धारणा राख्नु भयो । उहाँले सरकारले कागजको कर बढाउँदा भारत र चीनसँग प्रतिस्पर्धा गर्न समस्या भएको भन्दै यसमा पुनरावलोकन गर्न माग समेत गर्नुभयो ।
कोरोना प्रभावति उद्योगलाई सरकारले पुनकर्जा लगायतका सहुलियत दिएको भएपनि मसलन्द उद्योगीलाई बेवास्था गरेको बताउनु भयो । यस्ता उद्योगको संरक्षणमा राज्यले ध्यान नदिएको भन्दै आत्मनिर्भर भएको उद्योगको विषयमा सोच्ने समेत सरकारलाई आग्रह गर्नुभयो ।– प्रशिक्षार्थी पत्रकार
वि.सं.२०७७ फागुन १५ शनिवार १५:१५ मा प्रकाशित