शिखर इन्स्योरेन्सले ३०% हकप्रद जारी गर्ने : चैत्र ९ गते वार्षिक साधारणसभा, बुक क्लोज कहिले ?

काठमाडौं । शिखर इन्स्योरेन्स कम्पनीले वार्षिक साधारसभाका लागि मिति तय गरेको छ । कम्पनीले चैत ९ गते १५औं र १६औं वार्षिक साधारण सभा आव्हान गरेको हो ।

कम्पनीले केन्द्रिय कार्यालय, शिखर बिज सेन्टर, थापाथली, काठमाडौंमा बिहान ११ बजेका लागि सभा बोलाएको हो । कम्पनीको फागुन १४ गते बसेको सञ्चालक समितिको बैठकले सभा गर्ने निर्णय गरेको हो ।

कम्पनीको अन्य प्रस्तावमा बोनस शेयर वितरण पश्चात कायम चुक्तापूँजीको ३० प्रतिशत हकप्रद शेयर जारी गर्ने, कम्पनीको शेयर संरचना परिवर्तन गरी संस्थापक समूहको ५१ प्रतिशत र सर्वसाधारणको ४९ प्रतिशत गरी शेयरको अनुपात ५१ः४९ कायम गर्ने र सर्वसाधारण समूह ‘ख’को तर्फबाट २ जना सञ्चालकको निर्वाचन गर्ने, कम्पनीको अधिकृत पूँजी वृद्धि गरी ४ अर्ब पु¥याउने प्रस्ताव पनि पारित गर्ने जनाएको छ ।

सभामा आर्थिक वर्ष २०७७/७८ मा बाँडफाँट गरेको हकप्रद शेयर पश्चात कायम चुक्तापूँजीको २७ दशमलव ७८ प्रतिशत बोनस शेयर र सोको कर प्रयोजनार्थ १ दशमलव ४७ प्रतिशत नगद लाभांश वितरण गर्ने प्रस्ताव रहेको छ । प्रस्तावित बोनस गत असार मसान्तसम्म कायम चुक्तापूँजीको ३६ दशमलव १ प्रतिशत र नगद लाभांश १ दशमलव ९ प्रतिशत हो ।

साधारण सभा प्रयोजनार्थ फागुन २६ गतेदेखि चैत ९ गतेसम्म बुकक्लोज गर्ने कम्पनीले जनाएको छ । बुक क्लोजको आधारमा फागुन २५ गतेसम्म कायम शेयरधनीहरु मात्र सभामा भाग लिन र लाभांश पाउनेछन् ।

२०७७ फागुुण १६ गते १०:४९ मा प्रकाशित

You can share this post!

राज्यले सहजीकरण गरे निजी क्षेत्रमार्फत द्रूत आर्थिक विकास सम्भव छः वरिष्ठ उपाध्यक्ष ढकाल

राज्यले सहजीकरण गरे निजी क्षेत्रमार्फत द्रूत आर्थिक विकास सम्भव छः वरिष्ठ उपाध्यक्ष ढकाल

Related posts