काठमाडौं । सेयर बजार राताम्मे हुदाँ पनि होटल तथा टुरिजम समूहको उपसूचकमा भने सुधार आएको छ । कारोबारको सुरुदेखि नै सेयर बजारमा जान थालेको पहिरो अन्तिम समयसम्म पनि कायमै रह्यो ।
होटल तथा टुरिजम बाहेक सबै समूहको उपसूचकमा भारी गिरावट आएको छ । बजारमा पहिरोजाँदा नेप्से मापन गर्ने सूचक ७९.७४ अंकले घटेर इन्डेक्स २४७४.३९ बिन्दुमा रोकिएको छ । ठूला कम्पनीको कारोबार मापन गर्ने सेन्सेटिभ इन्डेक्स १४.५३ अंकले घटेर ४४७.२९ बिन्दुमा रोकिएको छ ।
२०७ कम्पनीको १ करोड ६० लाख १७ हजार ३२२ कित्ता सेयर ८ अर्ब ३५ करोड ५२ लाख ८९ हजार ८१४ रुपैयाँको सेयर किनबेच भएको छ ।
कारोबारमा बैंकिङ समूहको उपसूचक ५४.५७, विकास बैंक ७५.५१, जलविद्युत कम्पनी ६७.१५, निर्जीवन बीमा १७८.१, उत्पादन तथा प्रशोधन १९८.२, माइक्रोफाइनान्स १४१.२९, जीवन बीमा समूहको उपसूचक ६४२.८ अंकले घटेको छ ।
कारोबार रकमको आधारमा शिखर इन्स्योरेन्स अग्रस्थानमा रहेको छ । इन्स्योरेन्सको १ अर्ब २ करोड १६ लाख ३२ हजार ८२४ रुपैयाँको सेयर किनबेच भएको छ । यस्तै दोस्रो र तेस्रो स्थानमा नेपाल इन्फ्रास्टक्चर बैंक र ग्लोबल आईएमई बैंक रहेका छन् । बजारमा भारी गिरावट आउँदा पनि चन्द्रागिरी हिल्सको कारोबारमा सकारात्मक सर्किट लागेको छ ।
वि.सं.२०७७ फागुन १६ आइतवार १५:१२ मा प्रकाशित