काठमाडौं । पुस मसान्तपछि काठमाडौं उपत्यका बाहिर दुई वटा शाखा खोलेका लघुवित्त वित्तीय संस्थाहरुले मात्रै काठमाडौं उपत्यकामा शाखा खोल्न पाउने भएका छन् । नेपाल राष्ट्र बैंकले एकीकृत निर्देशन २०७७ मा संशोधन गर्दै यस्तो व्यवस्था गरेको जनाएको छ ।
लघुवित्त वित्तीय संस्थाहरुले काठमाडौं उपत्यका बाहिर (महानगरपालिका र उपमहानगरपालिका बाहेक स्थानमा) २०७७ पुस मसान्तपछि दुई वटा शाखा खोलि सञ्चालनमा ल्याएपछि उपत्यकामा लघुवित्त वित्तीय संस्थाहरुको शाखा नभएको स्थानीय तहका वडाहरुमा एउटा शाखा खोल्न दिने व्यवस्था गरेको छ । राष्ट्र बैंकका अनुसार काठमाडौं बाहिर खोलिने दुई शाखा मध्ये कम्तिमा एउटा शाखा गाउँपालिकामा हुनुपर्ने छ ।
वि.सं.२०७७ फागुन १६ आइतवार १८:४६ मा प्रकाशित