राजस्व छलि गर्ने रजनीश ट्रेडिङका सञ्चालन गुप्ता विरुद्ध करिब २६ करोड विगो दाबीसहति मुद्दा दर्ता

काठमाडौं । राजस्व अनुसन्धान विभागले राजस्व छली गर्ने एकजना विरुद्ध उच्च अदालत पाटनमा मुद्दा दर्ता गरेको छ ।

विभागले बीरगञ्ज उप-महानगरपालिका-१० स्थित रजनीश ट्रेडिङ कन्सर्न तथा डल्फीन ट्रेडर्स प्रा.लि. का संचालक तथा प्रोप्राइटर रजनीश कुमार गुप्ताले राजस्व चुहावट गरेको अभियोगमा २५ करोड ८० लाख ६५ हजार ४२३ रुपैयाँ विगो असुल गरी जरिवाना र कैद सजाय मागदावी सहित उच्च अदालत पाटनमा मुद्दा दायर गरेको विभागले जनाएको छ ।

गुप्ताले भन्सार चोरी पैठारी गरी भन्सार, मूल्य अभिवृद्धि कर र आयकर समेतको राजस्व चुहावटको कसूर गरेको देखिएको । गुप्ताले राजस्व चुहावट (अनुसन्धान तथा नियन्त्रण) ऐन, २०५२ को दफा ३ ले निषेधित एवं सोही ऐनको दफा ४ को खण्ड (क), (ख), र (छ) बमोजिम कसुर गरी देहाय बमोजिम राजस्व चुहावट ९अनुसन्धान तथा नियन्त्रण) ऐन, २०५२ को दफा २ (छ१) बमोजिम कूल जम्मा विगो २५ करोड ८० लाख ६५ हजार ४२३ रुपैँया कायम गरी मुद्दा दायर भएको हो ।

गुप्तालाई राजस्व चुहावट (अनुसन्धान तथा नियन्त्रण) ऐन, २०५२ को दफा २३ को उपदफा (१) र (३) तथा सोही ऐन (पहिलो संशोधन २०७६ को दफा २३ (१), २३ (१) को खण्ड (घ) र २३ (४) बमोजिम विगो रकम असुल उपर गरी जरिवाना र कैद सजाय हुन मागदावी लिई उच्च अदालत पाटनमा मुद्दा दायर गरिएको विभागको भनाई छ ।

२०७७ फागुुण १७ गते १०:३० मा प्रकाशित

You can share this post!

राजस्व छली गर्ने बाबा फ्लोर मिल्सका ३ जनाविरुद्ध करिब साढे १५ करोड बिगो दावीसहित मुद्दा दर्ता

राजस्व छली गर्ने बाबा फ्लोर मिल्सका ३ जनाविरुद्ध करिब साढे १५ करोड बिगो दावीसहित मुद्दा दर्ता

Related posts