काठमाडौं । साताको पहिलो दिन आइतबार राताम्मे बनेको सेयर बजारमा सोमबार हरियाली छाएको छ । बजार मापन गर्ने सूचक ४०.६४ अंकले बढेर २५१५.०३ बिन्दुमा रोकिएको छ । ठूला कम्पनीको कारोबार मापन गर्ने सेन्सेटिभ इन्डेक्स ६.४७ अंकले बढेर ४५३.७५ बिन्दुमा रोकिएको छ ।
२०९ कम्पनीको १ करोड १८ लाख ३८ हजार ४८८ कित्ता सेयर ५ अर्ब ६९ करोड २३ लाख १६ हजार ८३१ रुपैयाँको सेयर किनबेच भएको छ ।
यो दिन बजार बढेपनि कारोबार रकम भने घटेको छ । कारोबारमा सबै समूहको उपसूचकमा हरियाली छाएको छ । बैंकिङ समूहको उपसूचक २६.८२, विकास बैंक ३८.२२, निर्जीबन बीमा १८३.८३, माइक्रोफाइनान्स ८१.४९, जीवन बीमा ३५९.१७, टे«डिङ ९७.३४ अंकले बढेको छ ।
कारोबार रकमको आधारमा नेपाल इन्फ्रास्टक्चर बैंकको ४४ करोड ४८ लाख ५२ हजार ६४७ रुपैयाँको सेयर कारोबार भएको छ । दोस्रो र तेस्रो स्थानमा शिखर इन्स्योरेन्स र ग्लोबल आईएमई बैंक रहेको छ ।
चन्द्रागिरी हिल्सको कारोबार ९.९० प्रतिशतले बढेर सकारात्मक सर्किट लागेको छ । कर्पोरेट डेभलपमेन्ट बैंक, बरुण हाईड्रोपावर, गुहेश्वरी मर्चेन्ट बैं एण्ड फाइनान्स, आशा लघुवित्त वित्तीय संस्थाका लगानीकर्ताले कमाएका छन् भने सिटिजन्स म्युचुअल फण्ड-२, ११ प्रतिशत एनआईसी ऋणपत्र–०८२/८३, लक्ष्मी उन्नती कोष, एनआईबीएल समृद्धि फण्ड-१ का लगानीकर्ताले गुमाएका छन् ।
वि.सं.२०७७ फागुन १७ सोमवार १५:०८ मा प्रकाशित