काठमाडौं । फागुन दोस्रो सातासम्म आईपुग्दा वाणिज्य बैंकहरुले ३८ खर्ब ९ अर्ब रुपैयाँ निक्षेप संकलन गरी ३३ खर्ब ६२ अर्ब रुपैयाँ कर्जा प्रबाह गरेका छन् । फागुन महिनामा मात्रै बैंकहरुले २३ अर्ब रुपैयाँ निक्षेप संकलन गरेर ४५ अर्ब रुपैयाँ कर्जा प्रवाह गरेका छन् ।
नेपाल बैंकर्स संघका अनुसार माघ मसान्तमा वाणिज्य बैंकले ३७ खर्ब ८६ अर्ब रुपैयाँ निक्षेप संकलन गरेका थिए । फागुन पहिलो सातामा आईपुग्दा योरकम १३ अर्ब रुपैयाँले बढेर ३७ खर्ब ९९ अर्ब रुपैयाँ पुगेको थियो । दोस्रो साता आईपुग्दा यो रकम १० अर्ब रुपैयाँले बढेर ३८ खर्ब ९ अर्ब रुपैयाँ पुगेको छ ।
संघका अनुसार सञ्चालनमा रहेको २७ वटा वाणिज्य बैंकहरुले माघ मसान्तसम्म ३३ खर्ब १७ अर्ब रुपैयाँ कर्जा प्रवाह गरेका थिए । दुई साताको अवधिमा यो रकम ४५ अर्ब रुपैयाँले बढेर ३३ खर्ब ६२ अर्ब रुपैयाँ पुगेको छ । बैंकहरुले फागुन पहिलो साता ३३ खर्ब ३५ अर्ब रुपैयाँ कर्जा प्रवाह गरेका बैंकले एक सातामा यो रकम २७ अर्ब रुपैयाँले बढाएका छन् ।
फागुनको दोस्रो साता बैंकहरु निक्षेप संकलनमा भन्दा कर्जा प्रवाहमा आक्रमक देखिएका छन् । यो साता बैंकहरुको निक्षेप संकलन १० अर्ब रुपैयाँले बढ्दा कर्जा लगानी २७ अर्बले बढेको छ । पछिल्लो समयमा कोरोनाको असर कम देखिन थालेपछि बैंकमा कर्जाको माग बढ्न थालेको छ । जसका कारण फागुन पहिलो साता १८ अर्ब रुपैयाँले बढेको कर्जा लगानी दोस्रो साता आईपुग्दा २७ अर्ब रुपैयाँले बढेको छ ।
पछिल्लो समयमा बैंक तथा वित्तीय संस्थामा निक्षेप संकलनको तुलनामा कर्जाको माग निकै बढेको छ यतिबेला बैंकको ब्याजदर सस्तो भएका कारण र कोरोना सहज बन्दै गएकाले तत्कालिन भन्दा पनि दिर्घकालिन महत्वका आयोजनामा ऋण जाने क्रम बढेको बताइन थालेको छ ।
एक बैंकर्सका अनुसार अहिले बजारमा तरलता सकिन लाग्यो, ब्याज बढाउँछन, सेयर बजार घट्छ भन्ने हल्ला चलेको छ । यसरी हल्ला चल्नुको कुनै अर्थ नरहको बताउनु भयो । उहाँका अनुसार यस्तो हल्ला गर्नु भन्दा पनि अगाडि हामीले गत वर्षको यही अवधिको तथ्याङक हेर्न आवश्यक रहेको छ ।
गत वर्षको यही अवधिमा बजारमा तरलता सरप्लस १० अर्ब पनि नरहेको र अहिले बजारमा तरलता सरप्लस ६०, ६५ अर्बको हाराहारीमा रहेको उहाँको भनाइ छ । कोरोनाको अवधिमा लोनको ग्रोथ रेसियो डिपोजिटको तुलनामा कम नै भयो । कोरोनाको समयमा सबै काम थप्प हुँदा लोनको माग ज्यादै कम थयो । त्यो बेला ब्याजदर बटम लाइनमा आएको थियो । कोरोनापछि समग्र क्षेत्र चलायमान हुन थालेको एक महिनामा नै आँत्तिहाल्नु पर्ने अवस्था नभएको ती बैंकर्सको भनाइ छ ।
अहिले एक्सेस लिक्विडीटी विस्तारै मपअप हुँदै गएको उहाँको भनाइ छ । बैंकहरुमा रहेको अत्याधिक तरलता हुँदा बैंकहरुलाई गरेको गाह्रो अहिले सहज हुँदै गएको उहाँको तर्क छ । यसले बैंकहरु हाहाकार गर्छन भन्ने अवस्था नहुने उहाँले बताउनु भयो ।
वि.सं.२०७७ फागुन १७ सोमवार १७:०५ मा प्रकाशित