सिएनआईको लक्ष्य: हरेक वर्ष एक हजार उद्योग सञ्चालनमा ल्याई डेढ लाख रोजगारी सिर्जना गर्ने

काठमाडौं । नेपाल उद्योग परिसंघले राष्ट्रलाई आत्मनिर्भर बनाउने लक्ष्यका साथ ‘मेक इन नेपाल-स्वदेशी’ अभियानलाई प्राथमिकताका साथ अगाडि बढाएको छ । परिसंघले अर्थ मन्त्री विष्णुप्रसाद पौडेललाई भेटी ‘मेक इन नेपाल-स्वदेशी’ अभियानका सम्बन्धमा छलफल गरेको छ ।

परिसंघका अध्यक्ष मोरले यो अभियानले स्वदेशी उत्पादन वृद्धि गर्न, व्यवसायको प्रतिस्पर्धात्मक क्षमता बढाउन र नेपाली वस्तु र सेवाको माग बढाउने लक्ष्यसहित सीएनआईले ‘मेक इन नेपाल-स्वदेशी’ अभियान सुरु गरेको बताउनु भयो ।

परिसंघको यस अभियानमा सरकारको साथ र सहयोग हुनुपर्ने धारणा राख्दै मुलुकको औद्योगिक विस्तार, रोजगारीको सृजना एवं उत्पादन वृद्धिबाट मात्र राष्ट्रिय अर्थतन्त्र माथि उठाउन सकिने उहाँको भनाई छ । अभियानमा सरकारले स्वमित्व बोधगरी स्वदेशी उद्योगहरुको स्थापना र उद्योगहरुलाई आत्मनिर्भर बनाउन सरकारबाट प्रभावकारी भूमिका निर्वाह गर्नु पर्ने उहाँको धारणा छ ।

परिसंघका वरिष्ठ उपाध्यक्ष विष्णुकुमार अग्रवालले परिसंघले तयार गरेको स्वदेशी लोगोलाई नेपाल सरकारले स्वामित्व लिई तुरुन्त कार्यान्वयनमा ल्याउनु पर्ने बताउनु भयो । लोगो परिसंघ, नीजिक्षेत्र, सरकार विशेषको नभई देशको नै हुनु पर्ने उहाँको माग रहेको छ ।

मन्त्रीसँगको छलफलमा परिसंघका उपाध्यक्ष अनुज अग्रवाले परिसंघले अगाडि सारेको अवधारणा केहि महत्वकांक्षी देखिए पनि परिसंघले ४ वटा आर्थिक खम्बालाई बढी प्राथमिकतामा राखेको बताउनु भयो ।

अभियानले हरेक वर्ष एक हजार उद्योग संचालनमा ल्याई वार्षिक एक लाख ५० हजार औद्योगिक रोजगारी सिर्जना गर्ने लक्ष्य लिएको छ । परिसंघको लक्ष्य अनुसार पाँच वर्षमा वार्षिक निर्यात ४.३ अर्ब डलर पु¥याउने र कुल गार्हस्थ उत्पादनमा सन् २०२५ सम्ममा २२ प्रतिशत र २०३० सम्ममा २६ प्रतिशत योगदान पु¥याउने बताउनु भयो ।

अर्थमन्त्री विष्णुप्रसाद पौडेलले परिसंघले अगाडि सारेको अवधारणा राम्रो रहेको भन्दै समग्र राष्ट्रिय आवश्यकतालाई महशुस गरी यसलाई व्यवहारिक बनाउनको लागि अन्तरसंवादलाई निरन्तरता दिनु पर्ने धारणा राख्नु भयो ।

अभियानमा नीजि क्षेत्र, सरकारको प्रशासनिक संयन्त्र र राजनीतिक क्षेत्रसँग पनि अन्तर सम्बाद गरी सम्बन्धलाई विश्वासिलो र परिपूरक बनाउनु पर्ने बताउनु भयो ।

आगामी बजेटमा यसलाई मूर्तरुप दिन सरकारको तर्फबाट आवश्यक सहयोग उपलब्ध गराउने धारणा राख्नु भयो । अर्थमन्त्री पौडेलले यो अभियानमा प्रधानमन्त्री, मन्त्रीहरु, सचिवहरु र नीजि क्षेत्रका अन्य संघसंस्थाहरुलाई पनि सँगै लिएर अगाडी बढ्नु पर्ने विचार व्यक्त गर्नु भयो ।

२०७७ फागुुण १८ गते १०:४३ मा प्रकाशित

You can share this post!

सिटिजन्स बैंकका ग्राहकहरुलाई सुप्रिमक्याफे एन्ड लाऊन्जमा विशेष छुट

सिटिजन्स बैंकका ग्राहकहरुलाई सुप्रिमक्याफे एन्ड लाऊन्जमा विशेष छुट

Related posts