काठमाडौं । नेपाल स्टक एक्सचेञ्ज (नेप्से)ले सांग्रिला डेभलपमेण्ट बैंकको दोस्रो बजार कारोबार फुकुवा गरेको छ ।
बैंकले फागुन १६ गते शेयरधनीलाई दिने लाभांश प्रस्ताव पत्र नेप्सेमा कारोबार चलिरहेको समयमा पठाएको भन्दै कारोबार रोकेको थियो । बैंकले आज स्पष्टीकरण दिएपछि नेप्सेले शेयर कारोबार फुकुवा गर्ने निर्णय गरेको हो ।
सांग्रिलाले हाल कायम २ अर्ब ६० करोड ६६ लाख ४० हजार ४०० रुपैयाँमा ५प्रतिशत बोनस शेयर दिने प्रस्ताव गरेको छ ।
यस्तै, बोनस सेयरमा लाग्ने कर प्रयोजनका लागि ०.२६३२प्रतिशत नगद लाभांश पनि दिनेछ ।
प्रस्तावित बोनस शेयर नेपाल राष्ट्र बैंक र आगामी वार्षिक साधारण सभाले अनुमोदन गरेपछि वितरण हुनेछ ।
वि.सं.२०७७ फागुन १८ मंगलवार ११:३४ मा प्रकाशित
