सेयर बजारमा लगानी बढाउँदै जीवन बीमा कम्पनी, ६ महिनामा झण्डै १९ अर्ब (कुन कम्पनीको कती )

काठमाडौं । जीवन बीमा कम्पनीहरुले सेयर बजारमा धमाधम लगानी बढाउन थालेका छन् । चालु आर्थिक वर्षको दोस्रो त्रैमाससम्ममा जीवन बीमा कम्पनीले ३ खर्ब २५ अर्ब ४५ करोड ३६ लाख ६५ हजार रुपैयाँ लगानी गरेका छन् ।

उक्त लगानी मध्ये सूचीकृत कम्पनीको साधारण सेयरमा १८ अर्ब ८७ करोड ५९ लाख ५४ हजार रुपैयाँ लगानी गरेका छन् । सेयर बजारमा भने १९ मध्ये १७ वटा कम्पनीले मात्रै लगानी गरेका छन् । मेट लाइफ र महालक्ष्मी लाइफ इन्स्योरेन्सले आइपीओमा लगानी गरेका छैनन् ।

जीवन बीमा कम्पनीहरुले चालु आवको पहिलो त्रैमासको तुलनामा २ अर्ब ५३ करोड ९ लाख ५२ हजार रुपैयाँ लगानी बढाएका छन् । चालु आवको पहिलो त्रैमासमा कम्पनीहरुले १६ अर्ब ३४ करोड ५० लाख २ हजार रुपैयाँ लगानी गरेका थिए ।

प्राप्त तथ्याङक अनुसार जीवन बीमा कम्पनीमा राष्ट्रिय बीमा संस्थानले ५ अर्ब ४५ करोड ६२ लाख २६ हजार रुपैयाँ लगानी गरेको छ । यस्तै नेशनल लाइफ इन्स्योरेन्सले १ अर्ब २८ करोड ५९ लाख ५० हजार, नेपाल लाइफ इन्स्योरेन्सले ३ अर्ब ४३ करोड ८३ लाख ५२ हजार, लाइफ इन्स्योरेन्स कर्पोरेशनले २ अर्ब ५९ करोड ८२ लाख ६१ हजार रुपैयाँ लगानी गरेका छन् ।

यस्तै एशियन लाइफ इन्स्योरेन्सले १ अर्ब ६६ करोड ७७ लाख ४४ हजार, सूर्या लाइफले ३५ करोड १० लाख ५ हजार, गुराँस लाइफले २६ करोड ७९ लाख ५ हजार, प्राइम लाइफले ९८ करोड ६५ लाख ३८ हजार, आईएमई लाइफ इन्स्योरेन्सले २ करोड ९५ लाख ८४ हजार, यूनियन लाइफले १८ करोड ७४ लाख २० हजार रुपैयाँ सेयर बजारमा लगानी गरेको छ ।

यता ज्योती लाइफले ५ करोड ६८ लाख ८९ हजार, सन नेपाल लाइफले १२ करोड २३ लाख ४५ हजार, रिलायन्स लाइफले ७९ लाख ३ हजार, रिलायबल नेपालले १० करोड ७४ लाख ६३ हजार, सिटिजन्स लाइफले १ अर्ब २१ करोड २४ लाख ८४ हजार, सानिमा लाइफले ५५ करोड ११ लाख ६८ हजार र प्रभु लाइफ इन्स्योरेन्सले ५४ करोड ८६ लाख ९९ हजार रुपैयाँ लगानी गरेका छन् । जीवन बीमा कम्पनीहरुले आफ्नो लगानीको बढीमा १० प्रतिशतसम्म सेयर बजारमा लगानी गर्न पाउने कानूनी व्यवस्था रहेको छ ।

२०७७ फागुुण १८ गते १७:३४ मा प्रकाशित

You can share this post!

रियलमी ८औँ सिरिजमा १०८ एमपी क्यामेरा, मोबाइल फोटोग्राफीमा नेतृत्वदायी उपस्थिति

निर्जीबन बीमा कम्पनीले ३ महिनामै सेयर बजारमा बढाए ३९ करोड लगानी, सबैभन्दा बढी पुनर्बीमाको

Related posts