बैंकमा कर्जामा माग बढेपछि ब्याजदर बढ्ने हल्ला, सेयर बजारसँगै कारोबार रकम पनि घट्दै

काठमाडौं । सेयर बजारमा आएका निरन्तर गिरावटसँगै कारोबार रकममा पनि गिरावट देखिन थालेको छ । पछिल्लो दिनमा नियमित जस्तै बजारमा गिरावट आउन थालेको छ ।

अहिले बैंक तथा वित्तीय क्षेत्रमा अन्य क्षेत्रबाट ऋणको माग बढ्न थालेपछि सेयर बजारमा गिरावट आएको चर्चा सुरु भएको छ । फागुन दोस्रो सातासम्मकोे तथ्याङक हेर्ने हो भनेपनि बैंकहरुमा निक्षेप संकलन घटेको छ भने कर्जा लगानी बढेको छ । बैंकहरुमा निक्षेप संकलन कम हुने र कर्जाको माग बढ्दा बैंक ब्याजदर बढ्ने आंकलनले बजारमा गिरावट देखिएको चर्चापनि सुरु भएको छ ।

यसअघि बैंकिङ क्षेत्रमा अधिक तरलता हुँदा बैंकहरुले सहजै ऋण दिने, फोन गरेर बोलाएर नै ऋण दिने गरेका थिए । कोरोनाको समयमा बैंकहरुबाट जाने ऋणमा ५० प्रतिशतको हाराहारीमा सेयर धितोकर्जामा नै गएको बैंकहरुको भनाइ छ । तर पछिल्लो समयमा बैंकमा कर्जाको माग अन्य क्षेत्रबाट बढेपछि त्यसको असर सेयर बजारमा देखिएको सेयर बजारका एक जानकार बताउँछन् ।

बैंकमा अधिक तरलता हुँदा संस्तो ब्याजदरमा सहजै ऋण पाएका लगानीकर्ता अब सहजै ऋण नपाउने वा ब्याज बढने हो की भन्ने चिन्ताले पनि सेयर बेच्न थालेको जानकारहरुको भनाई छ । अहिलेसम्म बढेको बजारमा सेयर बिक्री गरेर केही लगानीकर्ता बाहिरिन थालेको पनि चर्चा सुरु भएको छ ।

बुधबार नेप्से मूल्य मापन गर्ने सूचक ३९.२३ अंकले घटेर परिसूचक २,४१६ बिन्दूम रहेका छ । ठूला कम्पनीको कारोबार मापन गर्ने सेन्सेटिभ इन्डेक्स ७.१२ अंकले घटेको छ । २१२ कम्पनीको १ करोड १३ लाख ९२ हजार १३५ कित्ता सेयर ६ अर्ब २५ करोड ४८ लाख ९ हजार ४४२ रुपैयाँमा किनबेच भएको छ ।

कारोबारमा ट्रेडिङ समूहको उपसूचक ३०६.५४ र होटल एण्ड टुरिजम समूहको उपसूचक ३५.१७ अंकले बढेका छन भने बाँकी सबै समूहको उपसूचकमा गिरावट आएको छ ।

बैंकिङ समूहको उपसूचक १७.३, विकास बैंक ३२.६८, जलविद्युत २०.३२, निर्जीबन बीमा १६७.८८, माइक्रोफाइनान्स ५६.४३, जीवन बीमा समूहको उपसूचक ४२५.५३ अंकले घटेको छ ।

कारोबार रकमको आधारमा नेपाल दुरसञ्चार कम्पनी अग्रस्थानमा रहेको छ । कम्पनीको २९ करोड ९७ लाख ६ हजार १४० रुपैयाँको सेयर किनबेच भएको छ । दोस्रो र तेस्रो स्थानमा एशियन लाइफ इन्स्योरेन्स र नेपाल लाइफ इन्स्योरेन्स रहेका छन् । कारोबारमा साल्ट टे«डिङ कर्पोरेशन र चन्द्रागिरी हिल्सको कारोबारमा सर्किट लागेको छ ।

२०७७ फागुुण १९ गते १५:३३ मा प्रकाशित

You can share this post!

सिभिल बैंकको एटीएमबाट रकम निकाल्न अब एटीएम कार्ड नै नचाहिने !

११३ वटा स्थानीय तहमा निर्माणाधिन स्वास्थ्य सेवा केन्द्रका लागि १ अर्ब बढी निकासा

Related posts