अरुण-३ जलविद्युत परियोजनाका निर्माण ४० प्रतिशत सम्पन्न, निर्धारित समयभन्दा डेढ बर्ष अघि सकिने

काठमाडौ । संखुवासभाको मकालु गाउँपालिकास्थित फाक्सिन्दा दोभानको निर्माण भइरहेको अरुण–३ जलविद्युत परियोजनाको काम ४० प्रतिशत सम्पन्न भएको छ ।

सार्वजनिक-निजी साझेदारीमा कार्यान्वयन भइरहेको ९०० मेगावाट क्षमताको उक्त परियोजना निर्माणको करीब ४० प्रतिशत काम सकिएको लगानी बोर्डले जानकारी गराएको छ । बोर्डका अनुसार परियोजना विकासकर्ता कम्पनीले निर्धारित समयभन्दा करिब डेढ बर्ष अगाडि नै निर्माण कार्य सम्पन्न गर्ने जानकारी दिएको छ । लगानी बोर्डको पहलमा सरकारी अधिकारीहरुले संखुवासभा जिल्लामा निर्माण भइरहेको अरुण ३ जलविद्युत परियोजनाको निरीक्षण गरेका छन् ।

निरीक्षणको क्रममा परियोजना कार्यान्वयनमा देखिएका समस्याहरुबारे स्थानीय सरोकारवालाहरुसँग छलफल समेत भएको छ । उक्त टोलीले संखुवासभाको मकालु गाउँपालिकास्थित फाक्सिन्दा दोभानको परियोजना बाँध निर्माणस्थल तथा चिचिला गाउँपालिकास्थित दिदिङ्गको विद्युतगृह निर्माण कार्यको अवलोकन गरेकोका छ ।

उक्त टोलीले परियोजना विकासकर्ता कम्पनीका पदाधिकारी तथा चिचिला गाउँपालिका र मकालु गाउँपालिकाका अध्यक्ष लगायत स्थानीय जनप्रतिनिधि, स्थानीय प्रशासन तथा अन्य सरोकारवालाहरुसँग छलफल गरेको छ ।

उक्त टोलीमा गृहसचिव महेश्वर न्यौपाने, रक्षा सचिव रेश्मिराज पाण्डे, परराष्ट्र सचिव भरतराज पौड्याल, उर्जा सचिव दिनेश घिमिरे, लगानी बोर्ड कार्यालयका प्रमुख कार्यकारी अधिकृत सुशील भट्ट, बोर्ड कार्यालयका उपसचिव रमेश अधिकारी, बोर्ड कार्यालयका सिनियर डिभिजनल इन्जिनियर सागरराज गौतम लगायतको सहभागिता थियो ।

२०७७ फागुुण २० गते १०:१२ मा प्रकाशित

You can share this post!

टानका पूर्व अध्यक्ष रिजाल पर्यटन बोर्डको उपाध्यक्षमा नियुक्त

टानका पूर्व अध्यक्ष रिजाल पर्यटन बोर्डको उपाध्यक्षमा नियुक्त

Related posts