काठमाडौं । बैंकमा जागिर खानेका लागि सुनौलो अवसर सृजना भएको छ । नेपाल बैंक लिमिटेडमा विभिन्न पदका लागि ठुलो संख्यामा कर्मचारीको माग गरेको छ ।
आज गोरखापत्रमा एक सूचना प्रकाशन गर्दै बैंकले सहायक प्रबन्धक, सिएतर्फ सहायक प्रबन्धक, आइटीतर्फ सहायक प्रबन्धक तथा प्रदेशहरू अन्तर्गत सहायकहरू गरी १ सय ९२ कर्मचारीको माग गरेको छ ।
लोक सेवा आयोगको सहमतिअनुसार बैंकको स्वीकृत दरबन्दीका आधारमा रिक्त पदहरूमा खुला प्रतियोगिताबाट पदपूर्तिका लागि आवेदन माग गरिएको सूचनमा उल्लेख छ ।
उक्त विज्ञापननका लागि चैत १२ गतेसम्म अनलाइन दरखास्त पेश सकिने बैंकले जनाएको छ । तह ६ सहायक प्रबन्धक पदका लागि २१ वर्ष पूरा भई ३५ वर्ष ननाघेको तथा तह ४ सहायक र तह ३ कनिष्ठ सहायक पदका लागि १८ वर्ष पूरा भई ३५ वर्ष ननाघेको हुनु पर्नेछ । महिलाको हकमा ४० वर्ष ननाघेको हुनुपर्ने छ । सूचनालाई विस्तृतमा हेर्नका यहाँ क्लिक गर्नुहोस् ।
वि.सं.२०७७ फागुन २१ शुक्रवार ११:०५ मा प्रकाशित
