काठमाडौं । ज्योति लाइफ इन्स्योरेन्सको साधारण सेयर (आइपीओ) मा २ अर्ब ६४ करोड ३३ लाख ९८ हजार रुपैयाँको २ करोड ६४ लाख ३३ हजार ९८० कित्ताको लागि आवेदन परेको छ । सिडिएससीका अनुसार आईपीओमा ११ लाख ९८ हजार ८३५ जनाले आवेदन दिएका छन् ।
कम्पनीले प्रतिकित्ता १०० रुपैयाँको दरले ६६ करोड रुपैयाँको ६६ लाख कित्ता सेयर निष्काशन गरेको हो । जसमा कम्पनीका कर्मचारीलाई ३ लाख ३० हजार कित्ता र सामुहिक लगानी कोषलाई पनि ३ लाख ३० हजार कित्ता छुट्याइएको छ । बाँकी रहेको ५९ लाख ४० हजार कित्तामा सर्वसाधारण लगानिकर्ताले आवेदन दिन पाउनेछन् ।
आईपिओमा न्युनतम १० कित्ता अधिकतम ६६ हजार कित्तासम्म आवेदन दिन सकिने छ । आईपीओमा फागुन २६ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेमा चैत ६ गतेसम्म आवेदन दिन सकिने छ । यसको बिक्री प्रबन्धक एनएमबी क्यापिटल रहेको छ । लगानिकर्ताले सि–आश्वा सदस्य बैंक तथा वित्तिय संस्था र मेरो सेयरबाट आवेदन दिन सकिनेछ ।
वि.सं.२०७७ फागुन २३ आइतवार १७:४० मा प्रकाशित
