काठमाडौं । चालु आर्थिक वर्षको सात महिनामा १५ करोड ६७ लाख ६९ हजार रुपैयाँ बराबरको सुनका गर-गहना निर्याय भएको छ ।
भन्सार विभागको तथ्याङक अनुसार चालु आर्थिक वर्षकै सुरुवातदेखि नै नेपालबाट सुनका गरगहना निर्यात हुने क्रम बढेको छ । सुनका गर-गहना अमेरिका, अष्ट्रेलिया, हङकङ लगायतका देशहरुमा निर्यात हुने गरेको विभागको तथ्याङकले देखाएका छ ।
पछिल्लो सात महिनामा सबैभन्दा बढी अमेरिकामा सुनका गर-गहना निर्यात भएको छ । विभागका अनुसार अमेरिकामा ९ करोड ४७ लाख ५१ हजार रुपैयाँ बराबरको ७ केजी ७५३ ग्राम सुनका गरगहना निर्यात भएको छ । अमेरिकापछि हङकङमा बढी निर्यात भएको देखिन्छ । उक्त देशमा ४ करोड १८ लाख ५४ हजार रुपैयाँ बराबरको ३ केजी ३४८ ग्राम सुनका गर-गहना निर्यात भएको छ ।
पछिल्लो सात महिनामा अष्टे«लियामा ४ केजी ८६ ग्राम बराबरका गहना निर्यात भएको छ । नेपालबाट अष्टे«लियामा १ करोड १७ लाख ५० हजार रुपैयाँ बराबरको सुनका गरगहना निर्यात भएको विभागको तथ्यांकले देखाएको छ । विभागको तथ्याङ्क अनुसार चालु आवको ७ महिनासम्म आइपुग्दा एक करोड ५७ लाख रुपैयाँले निर्यात बढेको छ । ७ महिनामध्ये सबैभन्दा बढी पुस महिनामा पुस ५ करोड ३२ लाख रुपैयाँको निर्यात भएको छ ।
चालु आर्थिक वर्षको पहिलो महिना (साउन) मा एक करोड ७३ लाख, भदौमा ८९ लाख, असोजमा २ करोड ४८ लाख, कात्तिक १ करोड ४२ लाख, मंसिरमा ४९ लाख, र माघ महिनामा ३ करोड ३० लाख रुपैयाँ बराबरको सुनका गरगहना निर्यात भएको विभागले जनाएको छ ।
वि.सं.२०७७ फागुन २४ सोमवार १३:०७ मा प्रकाशित