काठमाडौं । राष्ट्रिय सहकारी महासंघका अध्यक्ष मिनराज कंडेलले सहकारी संस्था सिष्टममा नचल्दा समस्याग्रस्त हुने गरेको बताउनु भएको छ ।
सहकारी पत्रकार समाजले आयोजना गरेको सहकारी पत्रकारिता तालिमको अवसरमा उहाँले यस्तो बताउनु भएको हो । सहकारीबाट आर्थिक रुपान्तरण संभव हुने भन्दै उहाँले सहकारीले उत्पादन र गरिबी निवारणमा महत्वपूर्ण टेवा पु¥याएको उनले बताउनु भयो ।
सहकारी सिष्टममा चल्न सके मात्र सहकारीबाट आर्थिक रुपान्तरण संभव हुने उहाँको भनाइ छ । सहकारी ऐनले उत्पादन र बजारीकरणमा क्रमश जोडिदै गएको उहाँले जानकारी गराउनु भयो । देशभकार ५ सय भन्दा बढी सहकारी उत्पादनमा प्रत्यक्ष काम गरिरहेको अध्यक्ष कंडेलको भनाइ छ ।
सहकारी विभागको पछिल्लो तथ्यांक अनुसार सहकारीमार्फत ८८ हजारले रोजगारी पाएको तथ्यांक सार्वजनिक गरिए पनि १ लाख भन्दा बढीले रोजगारी पाएको हुन सक्ने अध्यक्ष कँडेलको भनाइ छ ।
सहकारीको वास्तविक तथ्यांक आउन नसक्दा सहकारीको योगदानको कदर हुन नसकेको धारणा राख्नु भयो । ऐनले उत्पादन, बजारीकरण लगायत विविधि क्षेत्रमा सहकारीलाई काम गर्ने अवसर दिएकाले सहकारीहरु पछिल्लो समयमा उत्साहित भएर लगानी गरिरहेको उहाँको धारणा छ ।
अध्यक्ष कँडेलको सहकारीले विशिष्टकृत सहकारी संघमार्फत कृषि, आवास लगायतका क्षेत्रमा काम गरिरहेका भनाइ छ । आधा दर्जनभन्दा बढी विशिष्टकृत सहकारी संघ दर्ता भएर विविध क्षेत्रमा काम गरिरहेको बताउनु भयो ।
वि.सं.२०७७ फागुन २८ शुक्रवार १६:५६ मा प्रकाशित
