काठमाडौं । नेपाल स्टक एक्सचेन्ज (नेप्से) डाटा सेन्टरको क्षमता बढाउने भएको छ । नेप्सेका अनुसार डाटा सेन्डर इक्विपमेन्ट एण्ड सफ्टवेयर खरिदका लागि कम्पनी समेत छनोट भएको छ ।
यसको लागि पुतलिसडकमा रहेको सास्त्र नेटवर्क सोलुसन इनकर्पोरेशन प्रालिलाई नेप्सेले छनोट गरेको छ । नेप्सले पुस १५ गते डाटा सेन्टरको क्षमता बढाउन भन्दै बोलपत्र आह्वानको सूचना जारी गरेको थियो ।
परेका बोलपत्र मध्येबाट न्यून रकममा सफ्टवेयर क्षमता बढाउने काम सास्त्र नेटवर्कले पाएको छ । यसको लागि नेप्सेले भ्याट सहित ३ करोड ७४ लाख १७ हजार ६ सय ३३ रुपैयाँ खर्च गर्ने भएको छ ।
वि.सं.२०७७ चैत २ सोमवार १५:३४ मा प्रकाशित
