काठमाडौं । सारथी नेपाल लघुवित्त वित्तिय संस्थाले बोनस शेयर संसोधन गरेको छ । संसोधन पश्चात कम्पनीले ८ दशमलव १२ प्रतिशत बोनस शेयर र कर प्रयोजनका लागि शून्य दशमलव ४२७४७७ प्रतिशत नगद लाभांश दिने भएको हो ।
कम्पनीले नयाँ नेपाल लघुवित्त संग मर्ज भएपछि राष्ट्र बैंकले आर्थिक वर्ष २०७६/७७ वित्तिय विवरण संसोधन गरि पेश गर्न निर्देशन दिएसँगै बोनस शेयर संसोधन गरेको हो ।
कम्पनीको सोमबार बसेको संचालक समितिको बैठकले राष्ट्र बैंकको निर्देशन बमोजिम वित्तिय विवरण संसोधन गरेकोले पूर्व प्रस्तावित बोनस शेयर परिवर्तन गरेको हो ।
अब उक्त बोनस शेयर राष्ट्र बैंकको स्वीकृत र कम्पनीको साधारणसभाले पारित गरेपछि मात्र शेयरधनीहरुले पाउनेछन् ।
वि.सं.२०७७ चैत ३ मंगलवार १२:३३ मा प्रकाशित
