काठमाडौं । प्राइम कमर्सियल बैंकको ऋणपत्रमा माग अनुसार आवेदन नपरेपछि समय थपिएको छ । बैंकले निष्काशन गरेको ‘८.७५ % प्राइम डिबेन्चर २०८५’ निष्काशन गरेको थियो ।
पहिलो चरणमा चैत ३ गते सम्म आवेदन दिन सकिने व्यवस्था रहेको थियो । त्यो अवधिमा माग अनुसार आवेदन नपरेको खण्डका चैत १३ गतेसम्म आवेदन दिन सकिने व्यवस्था गरिएको थियो । पहिलो चरणमा माग अनुसार आवेदन नपरेर दोस्रो चरणमा पनि आवेदन दिन सकिने व्यवस्था गरेको हो । तर बैंकले जारी गरेको सूचनामा ऋणपत्रमा मागभन्दा बढी आवेदन परेमा जुनसुकै बेला पनि आवेदन दिने समय सकिएको जानकारी गराउने रहेको छ ।
बैंकले ३ अर्ब ५० करोड रुपैयाँको प्रति कित्ता एक हजार रुपैयाँका दरले ३५ लाख कित्ता ऋणपत्र निष्काशन गरेको छ । जसमा २१ लाख कित्ता बैंकले आफैले बिक्री गर्ने छ भने १४ लाख कित्ता मा सर्वसाधारणले आवेदन दिन सक्नेछन् ।
यसको ब्याजदर ८.७५ प्रतिशत रहेको छ । न्यूनतम २५ देखि अधिकतम ५ लाख कित्तासम्म सी-आस्वा सदस्य बैंक तथा वित्तीय संस्था तथा मेरो सेयरबाट आजेदन दिन सकिने छ । बिक्री प्रबन्धकमा आरबीबी मर्चेन्ट बैंकिंङ रहेको छ ।
वि.सं.२०७७ चैत ३ मंगलवार १२:४९ मा प्रकाशित