काठमाडौं । बिहीबार सेयर बजारमा उछाल आएको छ । सातामा सेयर कारोबारको लागि अन्तिम दिन बिहीबार दोहोरो अंकको सुधार आएको छ ।
कारोबारमा ट्रेडिङ बाहेक सबै समूहको उपसूचकमा सुधार आएको छ । बैंकिङ, जीवन बीमा, निर्जीबन बीमा, माइक्रोफाइनान्स, उत्पादन तथा प्रशोधन लगायतका समूहको उपसूचकमा आएको सुधारले बजारमा उछाल ल्याएको छ ।
बजार मापन गर्ने सूचक ४२.९५ अंकले बढेर २४७५.०९ बिन्दुमा रोािएको छ । २१३ कम्पनीको १ करोड १६ लाख ५७ हजार ९७५ कित्ता सेयर ४ अर्ब ६६ करोड १७ लाख ९२ हजार १८७ रुपैयाँको सेयर किनबेच भएको छ ।
कारोबार रकमको आधारमा नेपाल बंगलादेश बैंक अग्रस्थानमा रहेको छ । बैंकको ७७ करोड ३ लाख १८ हजार ७९० रुपैयाँको सेयर किनबेच भएको छ । दोस्रो र तेस्रो स्थानमा निफ्रा र नेपाल लाइफ इन्स्योरेन्स रहेका छन् ।
यो दिनको कारोबारमा यूनाइटेड इदी मार्दी आरबी हाईड्रोपावर, ग्रिन लाइफ हाइड्रोपावर, चन्द्रागिरी हिल्स, नेपाल बंगलादेशको कारोबारमा सकारात्मक सर्किट लागेको छ ।
कारोबारमा जोशी हाईड्रोपावर, आँखुखोला जलविद्युत कम्पनी, दिव्यश्वरी हाईड्रोपावर, खानीखोला हाईड्रोपावर, रैराङ हाईड्रोपावरका लगानीकर्ताले गुमाएका छन् ।
वि.सं.२०७७ चैत ५ बिहीवार १५:१४ मा प्रकाशित