काठमाडौं । स्वास्थ्य तथा जनसंख्या मन्त्रालयले देशभर सभा, जुलुस, र्याली, भेला, जमघट, गोष्ठी, सेमिनार, बैठक र भीडभाड नगर्न अनुरोध गरेको छ । मन्त्रालयले विज्ञप्ति जारी गर्दै यस्तै अनुरोध गरेको हो ।
पछिल्लो समय छिमेकी देशमा कोरोना भाइरसको संक्रमण बढ्दो क्रममा रहेकोले नेपालमा पनि सतर्कता अपनाउन अनुरोध गरेको छ । मन्त्रालयका प्रवक्ता प्रा.डा. जागेश्वर गौतमले मन्त्रालयले यसअघि जारी गरेको जनस्वास्थ्यका मापदण्ड पालन गर्न आग्रह गर्नुभएको छ ।
केही दिनयता भारतमा कोरोना बढेको छ । तर नेपालमा भने निर्वाद रुपमा मानिस आउने क्रम बढेको छ । यसले गर्दा पनि स्वास्थ्य सतर्कता बनाएको बताइएको छ । गौतमले सबैलाई व्यक्तिगत दूरी कायम गर्दै अनिवार्य रुपमा मास्को प्रयोग गर्न आग्रह गनुभयो ।
वि.सं.२०७७ चैत ८ आइतवार १९:१६ मा प्रकाशित
