व्यवसाय विस्तारमा आक्रमक बने जीवन बीमा कम्पनीः एकै महिनामा बीमा शुल्क साढे ७ अर्बले बढ्यो

काठमाडौं । चालु आर्थिक वर्षको आठ महिनासम्म आइपुग्दा जीवन बीमा कम्पनीहरुको व्यवसाय विस्तार तिब्र रुपमा भएको देखिएको छ । कोरोनाको संक्रमण हटेसँगै जीवन बीमा कम्पनीको व्यवसाय तिब्र रुपमा अघि बढेको तथ्याङकले देखाएको छ ।

बीमा समितिको तथ्याङक अनुसार पुराना कम्पनीको तुलनामा नयाँ कम्पनीहरु व्यवसाय विस्तारमा आक्रमक रुपमा प्रस्तुत भएका छन् । फागुन महिनासम्ममा संचालनमा रहेका १९ वटा जीवन बीमा कम्पनीले ८२ अर्ब २० करोड रुपैयाँ बीमाशुल्क आर्जन गरेका छन् ।

माघ महिनामा जीवन बीमा कम्पनीले ७४ अर्ब ५५ करोड रुपैयाँ बीमा शुल्क आर्जन गरेका थिए, यो रकम अहिले ७ अर्ब ६५ करोड रुपैयाँले बढेर ८२ अर्ब २० करोड रुपैयाँ पुगेको छ ।

बीमा समितिका अनुसार जीवन बीमा कम्पनीले फागनु महिनासम्ममा प्रथम बीमा शुल्क २८ अर्ब ९ करोड रुपैयाँ आर्जन गरेका छन भने नविकरण बीमा शुल्क ५३ अर्ब ७९ करोड रुपैयाँ आर्जन गरेका छन् । वैदेशिक रोजगार बीमा शुल्कबाट जम्मा ३२ करोड रुपैयाँ मात्रै आर्जन गरेका छन् ।

चालु आवको ८ महिनामा बीमा कम्पनीले ८१ लाख ८७ हजार ९६८ वटा बीमा पोलिसी जारी गरेका छन् । यस्तै वैदेशिक रोजगार बीमा लेखको संख्या ७ लाख २३ हजार ८१७ रहेको छ । यो अवधिमा धेरै बीमा शुल्क आर्जन गर्ने कम्पनी पहिलो नेपाल लाइफ इन्स्योरेन्स बनेको छ । इन्स्योरेन्सले २२ अर्ब ६७ करोड रुपैयाँ बीमा शुल्क आर्जन गरेको छ ।

नेपाल लाइफ पछि लाइफ इन्स्योरेन्स कर्पोशन नेपालले १० अर्ब ८८ करोड रुपैयाँ बीमा शुल्क आर्जन गरेको छ भने तेस्रोमा रहेको नेशनल लाइफ इन्स्योरेन्सले ७ अर्ब ८३ करोड रुपैयाँ बीमाशुल्क आर्जन गरेको छ ।

सरकारी स्वामित्व भएको राष्ट्रिय बीमा संस्थानले ६ अर्ब ५२ करोड, मेट लाइफले ३ अर्ब ५१ करोड, एशियन लाइफले ४ अर्ब ४ करोड, सूर्या लाइफले २ अर्ब ९६ करोड, गुँरास लाइफले २ अर्ब ६८ करोड रुपैयाँ बीमा शुल्क आर्जन गरेको छ । यस्तै प्राइम लाइफले २ अर्ब ७५ करोड, आइएमई लाइफले १ अर्ब ६१ करोड, यूनियन लाइफले ४ अर्ब ६७ करोड, ज्योती लाइफले १ अर्ब ९९ करोड, रिलायन्स लाइफले १ अर्ब ७४ करोड रुपैयाँ बीमा शुल्क आर्जन गरेका छन् ।

यता रिलायबल लाइफले १ अर्ब ९५ करोड, सिटिजन लाइफले २ अर्ब ७ करोड, सानिमा लाइफले १ अर्ब २६ करोड, प्रभु लाइफले ८९ करोड र महालक्ष्मी लाइफले ६८ करोड रुपैयाँ बीमाशुल्क आर्जन गरेका छन् ।

२०७७ चैत्र ११ गते १६:३६ मा प्रकाशित

You can share this post!

स्वतन्त्र सञ्चालक बीमा कम्पनीको अध्यक्ष हुन नपाउने, विद्येयकमा अरु के थपियो ?

स्वतन्त्र सञ्चालक बीमा कम्पनीको अध्यक्ष हुन नपाउने, विद्येयकमा अरु के थपियो ?

Related posts