काठमाडौं । गैर आवासीय नेपालीले गोरखाको लाप्राकमा निर्माण गरेको लाप्राक नुमना वस्ती वैशाख १२ गते हस्तान्तरण हुने भएको छ ।
लाप्राक नमूना वस्तीमा बाँकी रहेको निर्माण कार्य चैत्र अन्तिममा सक्ने बताइएको छ । सबै घरहरुको छाना एकरुपको रहने भएको छ । यसका लागि आवश्यक कार्यहरु भईरहेको गैरआवासीय नेपाली संघ (एनआरएनए) उपाध्यक्ष सोनाम लामाले जानकारी दिनुभयो ।
संघका उपाध्यक्ष तथा लाप्राक नमूना वस्ती परियोजनाका संयोजक सोनाम लामसहितको टोलीले लाप्राकको नमुना वस्तीको अवलोकन गरेको छ । टोलिले वस्ती निर्माण गर्न सहयोग गर्ने गैरआवासीय नेपाली र विभिन्न संघ-संस्थाको नाम र सहयोग रकमसहितको शिलापत्र राख्ने भएको छ ।
टोलीले लाप्राक गाउँपालिकाका अध्यक्ष, वडाका अध्यक्ष र अन्य सरकोकारवालाहरुसँग भेटगरी वस्ती निर्माण कार्यबारे र वस्ती हस्तान्तरणपछि स्थानीयले गर्नु पर्ने काम बारेमा समेत छलफल गरेको थियो ।
वि.सं.२०७७ चैत १३ शुक्रवार १६:०३ मा प्रकाशित
