काठमाडौं । सहकारी विभागले आर्थिक वर्ष २०७६-७७ मा सबैभन्दा बढी कर तिर्ने तीन वटा सहकारी संस्थालाई सम्मान गरेको छ ।
गत आवमा सबैभन्दा बढी आइएमई को-अपरेटिभ सर्भिस लिमिटेड, झापा जिल्लाको साहारा नेपाल बचत तथा ऋण सहकारी संस्था र कुलेश्वरको महिला सहकारी संस्थालाई सम्मान गरेको हो ।
आईएमई टिडिएस सहित ८ करोड ५५ लाख र आयकर मात्रै १ करोड ४९ लाख ८४ हजार ९४३ रुपैयाँ रान्यलाई आयकर तिरेको छ । यस्तै साहारा नेपाल बचत तथा ऋण सहकारीले टिडिएस सहित ४ करोड २४ लाख २८ हजार १५३ रुपैयाँ र १ करोड २८ लाख ७४ हजार ८१० रुपैयाँ आयकर तिरेको छ । यस्तै कुलेश्वरको महिला सहकारी संस्थाले १ करोड २१ लाख भन्दा बढी आयकर तिरेको छ ।
६४ औं राष्ट्रिय सहकारी दिवसका अवसरमा विभागले आयोजना गरेको कार्यक्रममा भूमि व्यवस्था सहकारी तथा गरिबी निवारण मन्त्री डा. शिवमाया तुम्बाहाङ्फेले बढी आयकर तिर्ने तीन वटा सहकारी संस्थाहरुलाई सम्मान गर्नु भएको हो ।
वि.सं.२०७७ चैत २० शुक्रवार १६:४८ मा प्रकाशित
