काठमाडौं । चैत तेस्रो साता वाणिज्य बैंकहरुमा निक्षेप संकलनको तुलनामा कर्जाको माग निकै बढेको छ । चैत तेस्रो साता निक्षेप संकलन ४० अर्ब रुपैयाँले बढ्दा कर्जाको माग ३९ अर्ब रुपैयाँले बढेको छ । यो साता कर्जाको माग भन्दा निक्षेप संकलन घटेको छ ।
चैत तेस्रो सातासम्ममा वाणिज्य बैंकहरुको निक्षेप संकलन ३८ खर्ब ९० अर्ब रुपैयाँ पुगेको छ भने कर्जा लगानी ३५ खर्ब १ अर्ब रुपैयाँ पुगेको छ । बैंकहरुमा निक्षेप संकलनको तुलनामा कर्जाको माग यो साता केही मात्रामा घटेको छ ।
बैंकर्स संघका अनुसार चैत दोस्रो सातासम्म बैंकहरुले ३८ खर्ब ५० अर्ब रुपैयाँ निक्षेप संकलन गरेर ३४ खर्ब ६२ अर्ब रुपैयाँ कर्जा प्रवाह गरेका थिए । तेस्रो साता आइपुग्दा ३८ खर्ब ९० अर्ब रुपैयाँ निक्षेप संकलन गरेर ३५ खर्ब १ अर्ब रुपैयाँ कर्जा लगानी गरेको छ ।
संघका अनुसार सञ्चालनमा रहेको २७ वटा वाणिज्य बैंकहरुले फागुन महिनामा मात्रै २७ अर्ब रुपैयाँ निक्षेप संकलन गेरर ७७ अर्ब रुपैयाँ कर्जा प्रवाह गरेका थिए । फागुन तोस्रो साता बैंकहरु निक्षेप संकलनमा निकै आक्रमक देखिएका थिए । चौथो सातामा आएर त्यो निकै कमी आएका थियो ।
चैत पहिलो साताको तुलनामा दोस्रो साता निक्षेप संकलन केही बढेको थियो । दोस्रो साताको तुलनामा तेस्रो साता निक्षेप संकलन ह्वात्तै बढेको छ । संघको तथ्याङक अनुसार गत साता कर्जा लगानी सुस्त देखिएको छ ।
वि.सं.२०७७ चैत २२ आइतवार १७:०७ मा प्रकाशित
