काठमाडौं । सेयर बजारमा सामान्य सुधार देखिएको छ । बजार मापन गर्ने सूचक २.७४ अंकले बढेर २६७४.३५ बिन्दुमा रोकिएको छ । २०७ कम्पनीको १ करोड ३३ लाख ७६ हजार कित्ता सेयर ६ अर्ब ५५ करोड ६६ लाख १६ हजार ६८० रुपैयाँको सेयर किनबेच भएको छ ।
कारोबारमा बैंकिङ समूहको उपसूचक १.८९, होटल तथा टुरिजम २९.७९, विकास बैंक २०.६२, वित्त कम्पनी ३९.४३, माइक्रोफाइनान्स १०६.१३, जीवन बीमा समूहको उपसूचक ९१.९८ अंकले बढेको छ ।
कारोबार रकमको आधारमा अप्पर तामाकोशी हाईड्रोपावर ३७ करोड १३ लाख ४४ हजार ११३ रुपैयाँको सेयर किनबेच भएको छ । दोस्रो र तेस्रोमा निफ्रा र नेपाल बैंक रहेका छन् ।
६ वटा कम्पनीको कारोबारमा सर्किट लागेको छ । जसमा एनआईसी एसिया लघुवित्त वित्तीय संस्था, ग्रिन लाइफ हाईड्रोपावर, ज्योति लाइफ इन्स्योरेन्स, मल्टिप्रपोज फाइनान्स, रिलायन्स फाइनान्स, ग्लोबल आइएमई लघुवित्त वित्तीय संस्थाको कारोबारमा सर्किट लागेको हो । यस्तै यूनिभर्सल पावर, रसुवागढी हाईड्रोपावर, अजोड इन्स्योरेन्सका लगानीकर्ताले गुमाएका छन् ।
वि.सं.२०७७ चैत २६ बिहीवार १५:२४ मा प्रकाशित