काठमाडौं । नापी विभागले नेपाल ल्याण्ड इन्फरमेसन सिस्टम (नेलिस) र मेरो कित्ता अनलाइन प्रणाली सुरु गरेको छ ।
भूमि व्यवस्था, सहकारी तथा गरिबी निवारण मन्त्रालय अन्तर्गतको विभागले आयोजना गरेको कार्यक्रममा प्रधानमन्त्री केपी शर्मा ओलीले उक्त प्रणालीको उद्घाटन गर्नुभएको भएको हो । यो सँगै अब सेवाग्राहीले घरमै बसेर आफ्नो जग्गाको नक्सा पिन्ट गर्न सकिने छ ।
यो प्रणाली सुरु भएसँगै जग्गाको कर अनलाइन प्रणाली कनेक्ट आईपीएसबाट तिर्न सकिने भएको छ । यो प्रणालीको सुरुसँगै अब सेवाग्राहीले घरमै बसेर सहजै सेवा पाउने भएका छन् । अन्य कार्यालयमा पनि यो सेवा चाँडै विस्तार गर्ने मन्त्री डा. शिवमाया तुम्बाहाम्फेले बताउनु भयो ।
कनेक्ट आईपीएसबाट नै राजस्व तिर्न सकिने भएपछि यसको लागि कार्यालयसम्म पुग्न नपर्ने भएको छ । अब मालपोत र नापी कार्यालयमा सेवाग्राहीको भिड पनि कम हुने अपेक्षा रहेको छ । यो सेवा पहिलो चरणमा नापी तथा मालपोत कार्यालय कलंकी, डिल्लीबजार र भक्तपुरबाट सुरु भएको छ ।
कार्यक्रममा कार्यक्रममा प्रधानमन्त्री केपी शर्मा ओलीले थानकोटकी दमन्ता ढुंगानालाई अनलाइनबाट प्रिन्ट गरेको नक्सा हस्तान्तरण गर्नुभएको छ ।
वि.सं.२०७८ वैशाख २ बिहीवार १३:०७ मा प्रकाशित
