काठमाडौं । ओपोले नेपाली बजारमा एफ १९ को बिक्री सुरु गरेको छ । उक्त ३३ वाट फ्ल्याश चार्ज सुविधा सहितको ५ हजार एमएएच क्षमताको ब्याट्री सहित नेपाली बजारमा आएको हो ।
उक्त फोनमा एमोलेड फुल एचडी प्लस पञ्च–होल डिस्प्ले रहेको छ । फोनमा लामो समयसम्म चलाउँदा पनि ल्याग हुन नदिने प्रोसेसर स्न्यापड्रागन ६६२ चिपको प्रयोग गरिएको बताइएको छ ।
६/१२८ जीबी भेरियन्टमा उपलब्ध फोनमा ४८ एमपी मेन क्यामेरा सहितको रियर एआई ट्रिपल क्यामेरा सेटअप रहेको छ । यस अन्तर्गत २ एमपी डेप्थ क्यामेरा र २ एमपी म्याक्रो क्यामेरा छ ।
१६ एमपी एआई सेल्फी क्यामेरा जडान गरिएको उक्त फोनमा भिडियो फिल्मिङ तथा एडिटिङका लागि विभिन्न फिचर पनि उपलब्ध छन् ।
उक्त फोन दुई रंगमा उपलन्ध छ । कालो र निलको रंगमा उपलब्ध रहेको फोनको मूल्य भने ३४ हजार ५ सय ९० रुपैयाँ छ ।ओपो एफ १९ ले डिजाइन र प्रविधिका क्षेत्रमा सन्तुलित परफरमेन्स दिन्छ । विशेषगरी आफ्नो क्यारियरको सुरुवाती अवस्थामा रहेका यूवावर्ग माझ यो फोन निकै लोक प्रिय हुनेमा विश्वस्त रहेको ओपो नेपालका प्रमुख कार्यकारी अधिकृत बबी ट्राओले बताउनुभयो ।
एफ १९ को डिजाइन विशेषगरी उच्च गुणस्तरिय स्मार्टफोनका साथै आकर्षक डिजाइन मन पराउने “टे«ण्डसेटिङ” पुस्तालाई ध्यानमा राखि गरिएको छ । एफ १९ मा ब्रिलियन्ट स्क्रिन, उच्च कोटीको परफरमेन्सका साथै कम्पनीले आकर्षक डिजाइन पनि दिएको छ ।
वि.सं.२०७८ वैशाख ७ मंगलवार १४:५४ मा प्रकाशित