काठमाडौं । बुधवार सेयर बजारमा भारी गिरावट आएको छ । बजार ३२.४१ अंकले घट्दा परिसुचक २६ सय ३२.२० अंकको बिन्दुमा पुगेर बन्द भएको छ ।
म्युचुअल फण्ड बाहेक राताम्मे बनेको उक्त दिन ५ अर्ब ७७ करोड २२ लाख रुपैयाँ बराबरको कारोबार भएको छ ।
बुधवार बैंकिङ् समूह २४.९२ अंक, होटेल तथा पर्यटन २०.१३ अंक, डेभलपमेन्ट बैंक ६१.३३ अंक, हाइड्रोपावर २९.८२, फाइनान्स २०.७६, निर्जीबन बीमा १५४.२३, माइक्रोफाइनान्स ६५.१९ र जीबन बीमा १४५.०७ अंकले घटेको छ ।
आज निफ्राको सेयर सबैभन्दा बढी कारोबार भएको छ । उक्त दिन बैंकको २५ करोड ४५ लाख ९८ हजार रुपैयाँको कारोबार भएको छ । कारोबारकै आधारमा दोस्रो स्थानमा रहेको एचडीएचपीसीको २२ करोड ६ लाख रुपैयाँको कारोबार भएको छ ।
वि.सं.२०७८ वैशाख ८ बुधवार १५:०३ मा प्रकाशित