काठमाडौं । नेपाली बजारमा आज पनि सुनको मूल्य बढेको छ । बिहीवार छापावाला सुनको मूल्य प्रतितोला २ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य तोलाको ९२ हजार २ सय रुपैयाँ तोकिएको छ । अघिल्लो दिन ९२ हजार रुपैयाँमा कारोबार भएको थियो । आज तेजावी सुनको मूल्य ९१ हजार ७ सय रुपैयाँ निर्धाण गरिएको छ ।
त्यस्तै, बिहीवार चाँदीको मूल्य पनि बढेको छ । आज प्रतितोला २५ रुपैँयाले वृद्धि भई १३ सय ३५ रुपैयाँ कायम भएको महासंघले जनाएको छ ।
वि.सं.२०७८ वैशाख ९ बिहीवार १०:५९ मा प्रकाशित
