काठमाडौं । ज्योति विकास बैंकले तेस्रो त्रैमासिक वित्तीय विवरण सार्वजनिक गरेको छ । बैंकले सार्वजनिक गरेको विवरण अनुसार तेस्रो त्रैमाससम्म ६० करोड २५ लाख रुयैयाँ खुद नाफा कमाएको छ ।
गत वर्षको यसै अवधिको तुलनामा ३८.१८ प्रतिशतले खुद नाफामा वृद्धि गरेको छ । गत वर्ष बैंकले ४३ करोड ६० लाख रुपैयाँ खुद नाफा आर्जन गरेको थियो ।
बैकको जगेडा कोषमा ८५ करोड २१ लाख रुपैयाँ रहेको छ । तेस्रो त्रैमासम्ममा बैंकले चुक्ता पूँजी ३ अर्ब ८४ करोड ४८ लाख पुर्याएको छ ।
त्यसैगरि बैंकले खराव कर्जा पनि घटाएको छ । गत वर्ष शून्य दशमलव ७६ प्रतिशत रहको खराज कर्जालाई घटाएर शून्य दशमलव ५८ मा झारेको छ । यस अवधिमा बैंकको वितरण योग्य नाफा ४३ करोड ३१ लाख ४० हजार रुपैयाँ रहेको छ ।
बैंकको प्रतिसेयर आम्दानी पनि वृद्धि भएको छ । गत वर्षको १६ रुपैयाँ ६३ पैसा रहेकोमा यस त्रैमासम्म आउँदा २० रुपैयाँ ८९ पैसा पुगेको छ । यस त्रैमासम्म प्रतिसेयर नेटवर्थ १३३ रुपैयाँ ५३ पैसा पुगेको छ । भने अघिल्लो वर्षको यसै अवधिमा १२६ रुपैयाँ ३८ पैसा थियो ।
वि.सं.२०७८ वैशाख ९ बिहीवार १३:३५ मा प्रकाशित