काठमाडौं । माछापुच्छ्रे बैंकको वैशाख १६ गतेदेखि बेलुका ६ बजेदेखि १९ गते बिहान ६ बजेसम्म सम्पूर्ण कारोबार बन्द हुने भएको छ । बैंकले कोर बैंकिङ् सिष्टम(सीबीएस) प्रतिस्थापन गर्नेभएकाले उक्त दिन सम्पूर्ण बैंकिङ्ग कारोबार बन्द गर्ने भएको हो ।
एक सूचना निकाल्दै १६ गते बिहीवार बेलुका ६ बजेदेखि १९ गते आइतबार बिहान ६ बजेसम्म बैंकको इन्टरनेट बैंकिङ, मोबाइल बैंकिङ, एटीएम, कार्ड (क्रेडिट/प्रिपेड कार्ड बाहेक), रेमिट्यान्स लगायतका सम्पूर्ण बैंकिङ कारोबार पूर्ण रुपमा बन्द हुने जनाएको छ ।
साथै बैंकिङ्ग कारोबार बन्द हुने मितिमा अत्यवश्यक कारोबारका लागि सम्वन्धित शाखा कार्यालयमा अग्रिम सम्पर्क गर्नका लागि बैंकले अनुरोध गरेको छ ।
बैंकका अनुसार हाल कायम गरेको खाता नम्वरबाटै साविक बमोजिम कारोबार गर्न सकिने जनाएको छ ।
वि.सं.२०७८ वैशाख ९ बिहीवार १४:०७ मा प्रकाशित
