काठमाडौं । एनआइसी एसिया लघुवित्त वित्तीय संस्थाको नाफामा उल्लेख्य सुधार आएको छ । चालु आर्थिक वर्षको तेस्रो त्रैमासमा आईपुग्दा संस्थाको नाफामा छलाङ आएको छ ।
संस्थाले प्रकाशित गरेको वित्तीय अवस्था अनुसार गत आवको तेस्रो त्रैमासको तुलनामा चालु आवको सोही अवधिमा संस्थाको नाफा २४७.९३ प्रतिशतले बढेको छ । गत आवको तेस्रो त्रैमासमा १२ करोड २७ लाख ८४ हजार रुपैयाँ रहेकोमा चालु आवको सोही अवधिमा आईपुग्दा २४७.९३ प्रतिशतले बढेर ४२ करोड ७२ लाख ४ हजार रुपैयाँ पुगेको छ ।
यो अवधिमा संस्थाको खुद ब्याज आम्दानी ९२ करोड ९८ लाख १८ हजार रुपैयाँ रहेको छ । यस्तै सञ्चालन मुनाफा ६२ करोड ४० लाख १३ हजार रुपैयाँ रहेको छ । १ अर्ब ७३ करोड ९४ लाख ४० हजार रुपैयाँ चुक्ता पुँजी रहेको बैंकको जगेडा कोषमा ७९ करोड ५३ लाख २ हजार रुपैयाँ रहेको छ । संस्थाले १५ अर्ब ८८ करोड ४२ लाख २८ हजार रुपैयाँ कर्जा लगानी गरेको छ ।
यो अवधिमा संस्थाको खराब कर्जा ०.३२ प्रतिशतबाट बढेर १.४९७ प्रतिशत पुगेको छ । ३२ रुपैयाँ ७५ पैसा प्रतिसेयर आम्दानी (वार्षिक) रहेको संस्थाको प्रतिसेयर नेटवर्थ १४५ रुपैयाँ ७२ पैसा रहेको छ । स्वदेशी लघुवित्त वित्तीय संस्थासँग भएको मर्जरपछि संस्थाको वित्तीय सुधार निकै बलियो देखिएको छ ।
वि.सं.२०७८ वैशाख ९ बिहीवार १४:५० मा प्रकाशित
