काठमाडौं । सेयर कारोबारको लागि साताको अन्तिम दिन बिहीबार बजारमा दोहोरो अंकको सुधार देखिएको छ ।
बजार मापन गर्ने सूचक १५.८० अंकले बढेर २६४८ बिन्दुमा पुगेको छ । ठूला कम्पनीको कारोबार मापन गर्ने सेन्सेटिभ इन्डेक्स ३.२१ अंकले बढेर ४७६.६० बिन्दुमा रहेको छ ।
२१४ कम्पनीको १ करोड ३० लाख ३२ हजार ८२३ कित्ता सेयर ५ अर्ब ९१ करोड ५१ लाख ३९ हजार ८८८ रुपैयाँको सेयर किनबेच भएको छ । कारोबारमा बैंकिङ समूहको उपसूचक ९.२२, विकास बैंक ३८.१७, निर्जीन बीमा ११४.९, उत्पादन तथा प्रशोधन ४७.२८, जीवन बीमा ११४.०६, माइक्रोफाइनान्स समूहको उपसूचक ५३.१९ अंकले बढेको छ ।
कारोबार रकमको आधारमा एनआईसी एसिया बैंक अग्रस्थानमा रहेको छ । बैंकको ६२ करोड २७ लाख ७९ हजार ८५० रुपैयाँको सेयर कारोबार भएको छ भने दोस्रो र तेस्रो स्थानमा क्रमशः निफ्रा र एनआईसी एसिया लघुवित्त वित्तीय संस्था रहेको छ ।
वि.सं.२०७८ वैशाख ९ बिहीवार १५:१४ मा प्रकाशित
