काठमाडौं । कुमारी बैंकले चालु आर्थिक वर्षको तेस्रो त्रैमाससम्म आईपुग्दा १ अर्ब ८० करोड ८३ लाख रुपैयाँ नाफा आर्जन गरेको छ । जुन गत आवको सोही अवधिको तुलनामा ७८.५८ प्रतिशत बढीले हो ।
बैंकले गत आवको सोही अवधिमा १ अर्ब १ करोड ७१ लाख रुपैयाँ नाफा आर्जन गरेको थियो । यो अवधिमा बैंकको वितरणयोग्य नाफा ९८ करोड ४६ लाख ४९ हजार रुपैयाँ रहेको छ ।
यो अवधिमा बैंकको खुद ब्याज आम्दानी र सञ्चालन मुनाफामा आएको सुधारले नाफा बढाउन समेत सहयोग गरेको देखिएको छ ।
गत आवको तेस्रो त्रैमासमा २ अर्ब ७५ करोड २६ लाख ८४ हजार रहेकोमा चालु आवको सोही अवधिमा ३ अर्ब ८२ करोड ७२ लाख १७ हजार रुपैयाँ रहेको छ । यो अवधिमा खुद ब्याज आम्दानी ३९.०४ प्रतिशतले बढेको छ ।
यस्तै बैंकको सञ्चालन मुनाफा २ अर्ब ५९ करोड ६७ लाख ७६ रुपैयाँ पुगेको छ । गत आवको सोही अवधिको तुलनामा ७४.४९ प्रतिशतले बढेको छ । बैंकको चुक्ता पुँजी १३ अर्ब ८७ करोड ८४ लाख ७४ हजार रुपैयाँ रहेको छ ।
१ खर्ब २७ अर्ब ६९ करोड रुपैयाँ निक्षेप संकलन गरेको बैंकले १ खर्ब १६ अर्ब ५४ करोड रुपैयाँ कर्जा लगानी गरेको छ ।
बैंकको खराब कर्जा ०.९८ प्रतिशतबाट बढेर १.०९ प्रतिशत पुगेको छ । प्रतिसेयर आम्दानी १७ रुपैयाँ ३७ पैसा रहेको बैंकको प्रति सेयर नेटवर्थ १३५ रुपैयाँ ४९ पैसा रहेको छ ।
वि.सं.२०७८ वैशाख १२ आइतवार ११:१४ मा प्रकाशित