काठमाडौं । साताको पहिलो कारोबार दिन सेयर बजारमा पहिरो गएको छ । आइतबार बजार ७५.७९ अंकले गिरावट आएको हो । सेयर बजारमा भारी अंकको गिरावट संगै लगानीकर्ताको मनोबल गिरेको छ ।
२.८६ प्रतिशतले घट्दा बजार परिसुचक पनि २५ सय ७२ दशमलव २२ अंकको बिन्दुमा पुगेर बन्द भएको छ । उक्त दिन ७ अर्ब २८ करोड ४१ लाख ९४ हजार रुपैयाँ बराबरको कारोबार भएको छ ।
सबै समूह राताम्मे बनेका उक्त दिन बैंकिङ् ४२.६५ अकं, व्यापार समूह ११३.५५, होटेल तथा पर्यटन २२०.२७ अंक, डेभलपमेन्ट बैंक ८६.३४, जलविद्युत ११२.४१ र फानाइनान्स ४३.७७ अंकले घटेको छ ।
यस्तै, निर्जीवन बीमा ४४०.८७ अंक माइक्रोफाइनान्स १६०.६५, जीबन बीमा ४६०.०४, लगानी समूह ३.३५ अंक र म्यूचुअल फण्ड ०.०९ अंकले घटेको छ ।
आइतबार दुई कम्पनीको सर्वाधिक कारोबार भएको छ । आज ३९ करोड ५२ लाख ५२ रुपैयाँ बराबरको कारोबार भई निफ्रा पहिलो स्थानमा छ । कारोबारकै आधारामा दोस्रो स् थानमा रहेको ज्योति लाइफ इन्स्योरेन्स ३३ करोड ८५ लाख ६२ हजार रुपैयाँ बराबरको कारोबार भएको छ ।
वि.सं.२०७८ वैशाख १२ आइतवार १५:०५ मा प्रकाशित
