काठमाडौं । विश्वभरी फैलिएको दोस्रो चरणको कोरोना भाइरसबाट जोगाउन आयुर्वेदिक अनुसन्धानकर्ता लक्ष्मी ओलीले ईम्युनो बुस्टर जडिबुटी औषधी तयार गर्नुभएको छ ।
आइतबार रिपोर्टर्स क्लब नेपालमा पत्रकार सम्मेलन गरेर ओलीले कोभिड–१९ को कारण ईम्युनिटी सिस्टमलाई क्षय हुनबाट जोगाउनइम्युनो बुस्टर तयार गरेको जानकारी गराउनुभएको हो ।
उहाँले अहिलेको भाइरस पहिलाको तुलनामा डबल म्युटेन्ट भाईरस भएको बताउनुभयो । उहाँले भन्नुभयो , ‘यो अझै खतरापुर्ण भाईरस हो । जसले छाति र फोक्सोमा संक्रमण गरेर शरिरमा अक्सिजन घट्ने, निमोनिया उत्पन्न गर्ने र मृत्युसम्म पुर्याउछ ।’
अनुसन्धानकर्ता ओलीले डबल म्युटेन्ट भाईरस ई ४८४ क्यू र एल ४५२ आर मिलेर बी १.६१७ बनेकाले यस भाईरसले संक्रमित हुँदा बिरामीमा ज्वरो आउने, डायरिया हुने, खोकी लाग्ने, खानाको स्वाद थाहा नपाउने, जिउ दुख्ने, कामज्वरो आउने र तिब्र रुपमा अक्सिजन घट्ने जस्ता शारिरिक लक्षण देखिने बताउनभुयो ।‘यो भाईरस कोभिड–१९ नै भएतापनिअहिलेको भाईरस पहिलाको तुलनामा कडा खालको भाईरस हो ।’ –उहाँले भन्नुभयो ।
कोरोना भाईरसबाट स्वास्थ्यमा हुने हानीलाई कम गर्न र संकमण ठिक गर्न, शरिरको ईम्युनिटी बढाउनका लागि उक्त औषधीमा १७ प्रकारका जडिबुटीको मिश्रणमा तयार भएको र विगतको समयमा पनि बिरामीहरुलाई सेबन गराएर संक्रमण मुक्त पारेको उहाँले बताउनुभयो ।
उहाँले वर्तमान समयमा पनि पहिला बनाएकै औषधिका जडिबुटीको चूर्णलाई केहि औषधिको मात्रा घटबढ गरेर कडा खाले भाईरससँग लड्न सक्नेगरि र शरिरमा ईम्युनिटी बढाउने खालका जडिबुटीको प्रयोग गरेर तयार पारेको स्पष्ट पार्नुभयो ।
उहाँले भन्नुभयो, ‘यो तयार पारिएको ईम्युनो बुस्टर सबै बिरामीहरुमा प्रभावकारी देखिएको छ । यो औषधि सेबन गरेर अहिलेको संक्रमणलाई संक्रमितहरुले कोभिड–१९ लाई पराजित गरिरहनु भएको छ ।’
संक्रमित व्यक्ति वा संक्रमण नभएका जो सुकै व्यक्ति, सबै प्रकारका रोगी बिरामीले पनि ईम्युनिटी बुस्टर सेबन गर्न सक्ने उहाँको भनाई थियो ।
https://youtu.be/nH5NI9YTNVg
वि.सं.२०७८ वैशाख १२ आइतवार १७:५८ मा प्रकाशित