काठमाडौं । साताको पहिलो कारोबार दिन सेयरमा उछाल आएको छ । आइतबार बजार ५४ अंकले बढेर हरियाली छाएको हो।
उक्त बजार परिसुचक २६६५.११ अंकको बिन्दुमा पुगेर बन्द भएको छ । २.०७ प्रतिशतले बजार बढेको उक्त दिन ७ अर्ब ३६ करोड ८ लाख रुपैयाँ बराबरको कारोबार भएको छ ।
आज बैंकिङ समूह १९.९१ अंक, डेभलपमेन्ट बैंक ३८.२४ अंक, फाइनान्स १६.०७, होटेल तथा पर्यटन १११.१७, जलविद्युत ३७.७१, लगानी समूह ०.६३, बीमा समूह ६३२.१८, माइक्रोफाइनान्स १०४.३९, निर्जीबन बीमा ४३४.७९ अंक, म्युचुल फण्ड ०.०४ अंकले बढेको छ ।
आइतबार दुई कम्पनीको सर्वाधिक कारोबार भएको छ । आज एनसीसी बैंक र नेपाल पुनर्बीमा कम्पनीको सर्वाधिक कारोबार भएको हो । एनसीसी बैंकको ४२ करोड २ लाख र पुनर्बीमा कम्पनीको ४० करोड ३२ लाख रुपैयाँ बराबरको कारोबार भएको छ ।
वि.सं.२०७८ वैशाख १९ आइतवार १५:१३ मा प्रकाशित