काठमाडौं । आज ग्लोबल आईएमई बैंकले उपत्यकाका तीन जिल्लामा ३४ वटा शाखा कार्यालयबाट सेवा दिने भएको छ । बैंकले काठमाडौंका २८, ललितपुरका ५ र भक्तपुरको १ सहित ३४ वटा शाखा कार्यालयबाट सेवा दिने भएको छ ।
कोरोना भाइरसका कारण सरकारले गरेको निषेधाज्ञासँगै बैंकले कार्यालय खोल्ने समय पनि घटाएको छ । मंगलबार १० देखि २ बजेसम्म मात्रै बैंकका यी शाखा खुल्ने छन् । बैंकले प्रत्येक शाखाका सम्पर्क व्यक्तिको फोन नम्बर समेत सूचनामा उल्लेख गरेको छ । कोही सेवाग्राहीलाई कुनै समस्या परेको खण्डमा बैंकले तोकेको सम्पर्क व्यक्तिलाई सम्पर्क गर्न समेत सकिने छ ।
विश्वव्यापी रुपमा फैलिएको कोरोना भाइरसका कारण अहिले बैंकहरुले केन्द्रमा २० प्रतिशत र शाखामा २५ प्रतिशत कर्मचारीबाट सेवा ग्राहीलाई सेवा दिनुपर्ने छ । राष्ट्र बैंकले पनि सोही अनुसारको निर्देशन बैंक तथा वित्तीय संस्थालाई दिएको छ ।
वि.सं.२०७८ वैशाख २१ मंगलवार ०९:०८ मा प्रकाशित
