काठमाडौं । थप कडाई गर्नेगरि काठमाडौं उपत्यकामा निषेधाज्ञा एक साता लम्बाइएको छ । उपत्यकाका तीन जिल्लाका प्रमुख जिल्ला अधिकारीहरुको बैठकले २९ गतेसम्म निषेधाज्ञा लम्ब्याउने निर्णय गरेको हो ।
अत्यावश्यक कामबाहेक घर बाहिर निस्कन पनि रोक लगाउने निर्णय गरेको छ । पसल खोल्ने समय भने बिहान ७ बजेदेखि ९ बजेसम्म मात्र कायम गरिएको छ ।
एक सूचना निकाल्दै जिल्ला प्रशासन कार्यालय काठमाडौंले यसअघि जारी भएका सबै पास खारेज गर्ने निर्णय समेत भएको जानकारी दिएको छ ।
बैंक तथा वित्तीय संस्थाहरुले आफ्नो २५ प्रतिशत कार्यालय खोल्न पाउने भएका छन् भने त्यहाँ २० प्रतिशत कर्मचारीले मात्रै काम चलाउनु पर्ने निर्णय भएको जिल्ला प्रशासन कार्यालयद्वारा जारी आदेशमा भनिएको छ ।
वि.सं.२०७८ वैशाख २१ मंगलवार १९:१५ मा प्रकाशित
